Jajis 18:7 - Buka Blahi Ka Cheke Holo

⁷ Aonu glima mae igre ne tei ka namono Lais te khaba ke raru. Ka namono igne glima mae igre laseni te gaoghathodi naiknogna namono tuana muana eghu. Eghuteuna nodi kastom mare na jateula kastom gna namono Saedon eghu, neuba Saedon ne khaba fara ka namono igne. Mare naikno fakmukmu kolho eghuteuna mare theome lase magra ba eni kaisei puhi ka keha naiknore. Eghuteuna mare au kmana famane glepo ka nodi namono na. Eghuteuna mare theome nanga nodi kolho ka keha naikno te au rhedi mare re.

Jajis 18:7 ပူးပေါင်းရင်းမြစ်များ

Josua 19:47

Ke leghu, kate theome tangomana mare te hata nodi glose mare igre, mare tei ne magra ka naikno ka namono Laes. Mare ne uluni namono igne ka magra, mare ne aknu falehe naikno te gnafa ka namono igne, mare jaola ne hata glose te au te lithui ni namono igne. Mare ne tuthughu nanghagna nodi namono mare Laes igne ka Dan nanghagna kuꞌedi mare tifa.

Thakle 18:7

Ghotilo parani naꞌa nanaba ka puhigna naꞌa te fafnaknoni kolho thegna nei gleale'a kate snori nogna ka gobigna lepo te magnahaghedi naꞌa re. Uve, iagho tangomana te mala fakabruni naꞌa, naugna naꞌa ne cheke eghu koba, ‘Iara gne au jateula nakrupe biꞌo eghu. Iara theome jateula thau glehe kokoi eghu mala au diꞌanagnafa nei tanhi eghu.’

Ululahu Pita 2:14

Leghudi hatimare mae gavana eigna mae king biꞌo neke vahidi mare. Mana neke kuru teidi mare te mala paradi iheire te huhughuni vetula na, eghuteuna kilo fnaknodi iheire te leghuni puhi te keli na.

Letas Teke Riso Tei Mae Pol Ka Khiloau Rom 13:3

Iheire te eni unha te doglo na, mare theome naba te mala mhaghuni mae biꞌo ka gavman. Nu iheire te edi glepo te diꞌare, mare naba te mala mhaghu na. Eghume jame te theome magnahaghei mhaghudi mae biꞌo ka gavman teu ghotilo na, ghotilo mala edi kolho unha te kelire, mare ginauna cheke fakeli ghami ghotilo.

Ululahu Samuel 3:13

Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.

Jajis 18:6

Pris igne ne cheke eghu, “Thosei nanga nomi, eigna Lord na keli tagna fara ka nomi thei ghotilo gne.”

Jajis 18:8

Ke leghu, glima mae igre neke pulo Sora nei Estaol. Kheradire ne ghusna eghu, “Unha te filoni ghotilo ka namono tuana?”

Jajis 18:29

Aonu mare neke tughu nangha namono Lais teu igne neke kiloni Dan, nanghagna kuꞌedi mare tifa thugna Jekop.

Ululahu Kings 16:31

Ehab loku jateula Jeroboam eghu, nu mana diꞌa fara salaꞌuni mae King Jeroboam, naugna mana tolaghi ka Jesebel thugna mae Et-Baal, king gna Saedon, eghuteuna mana ne funu tarai ka god Baal.

Ululahu Kronikols 4:40

Mare tei ne deni kaisei famane namono aheva te au kmana buburu tagna, nei kaisei vido keli mala poru te muana fara. Tifa na namono igne neke nodi vikegna mae Ham thugna mae Noa.

Profet Jeremaea 49:31

“Ghotilo naiknomi Babilonia ra! Ghotilo tarabana mala tei magra ka iheire te au fakeli nodi te theo kaisei glepo te diꞌa te mala nangani mare na. Te ghathoni mare na, mare au fakeli nodiu kolho eghu. Eghuteuna gringnigna nodi namono mare igne theome bibilakhi famaku. Eghuteuna theo kaisei naikno nate toghodi mare ka magra na.