Jajis 18:6 - Buka Blahi Ka Cheke Holo

⁶ Pris igne ne cheke eghu, “Thosei nanga nomi, eigna Lord na keli tagna fara ka nomi thei ghotilo gne.”

Jajis 18:6 ပူးပေါင်းရင်းမြစ်များ

Ululahu Kings 22:6

Aonu mae king Ehab ne kilo meidi fati gobi profet. Eghuteuna mana ne ghusna eghu ka mae profet igre, “Ba, iara tangomana te tei magra ka king gna Siria jare Ramot-Gilead, ba theo?” Hatimare ne cheke eghu ka mana, “Uve king, tei sagho. Noda Lord ginauna togho nigho mala uluni iagho magra na!”

Ululahu Tesalonika 3:11

Ghehati tarai ka God Kmada thegna nei noda Lord Jisas Kraes mala kuru fapulo ghami ka ghotilo thogheiro.

Profet Jeremaea 23:32

Uve, iara jaola theome magnahaghedi mae profet chaichaghi te toutonu eidi mifi te fodu ka chaichaghi igre. Mare toutonu eidi kmana chaichaghi biꞌo, eghuteuna batu fadeleidi nogu naikno iara re. Iara neke theome kurudi nei theome vahidi neku mae profet igre. Mae profet chaichaghi igre theome toghodi nogu naikno iara re.” Igne chekegna Lord.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Ululahu Kings 22:15

Aonu mana mei ne kegra ke ulugna King Ehab, eghuteuna Ehab ne ghusna eghu ka mana, “Profet Maekaea. Jame tei te magra ghepa King Jehosafat ka king gna Siria jare Ramot-Gilead na, ghepa ginauna uluni magra igne, ba theo?” Eghuteuna mae Maekaea ne cheke eghu ka mana, “Iagho tei magra ka king gna Siria jare Ramot-Gilead, Lord ginauna togho nigho iagho mala ke hata fapulo iagho namono tuana.”

Ululahu Kings 22:12

Eghuteuna keha mae profet igre jaola ne chekeni igne. Mare ne kafe cheke eghu, “Iagho tei magra ka king gna Siria jare Ramot-Gilead. Lord ginauna togho nigho iagho mala ke hata fapulo namono tuana.”

Diutronomi 11:12

Lord nomi God ghotilo igne mana reireghi fakelini glose igne. Leuleghu narane na mana filo tongana ni, funu ka vuvuhagna finogha na tei posa ka gnafagna finogha na.

Jajis 18:5

Mare ne cheke eghu ka mana, “Ghehati magnahaghei nigho iagho te toreni God jame unha te fariuriu edi ghehati igre ginauna keliu kolho ba theo.”

Jajis 18:7

Aonu glima mae igre ne tei ka namono Lais te khaba ke raru. Ka namono igne glima mae igre laseni te gaoghathodi naiknogna namono tuana muana eghu. Eghuteuna nodi kastom mare na jateula kastom gna namono Saedon eghu, neuba Saedon ne khaba fara ka namono igne. Mare naikno fakmukmu kolho eghuteuna mare theome lase magra ba eni kaisei puhi ka keha naiknore. Eghuteuna mare au kmana famane glepo ka nodi namono na. Eghuteuna mare theome nanga nodi kolho ka keha naikno te au rhedi mare re.

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”

Eksodas 4:18

Kate au teu Moses ka nohi Midian igne, Lord ne cheke eghu ka mana, “Iagho ke figri Ijep. Naugna mae te magnahaghei falehe nigho iagho ra la kafe lehehi.” Aonu Moses neke figri ka nanghogna Jetro ne cheke eghu ka mana, “Iagho snakre ghau iara mala ke tei filodi vikegu Ijep ra. Iara magnahaghei te tei filodi te karha teu ba tela lehehi teure.” Jetro ne cheke eghu ka mana, “Keliu kolho, iagho tangomana te tei na.”