Jajis 18:26 - Buka Blahi Ka Cheke Holo

²⁶ Kate nomhini cheke mare igne, Maeka neke figri neke pulo ka namono, naugna mana laseni mae igre nheta fara salaꞌudi mare.

Jajis 18:26 ပူးပေါင်းရင်းမြစ်များ

Jenesis 49:16

“Iagho mae Dan ia mala fadoglidi nou naikno are mala laseni ihei gne te doglo na nei ihei gne te jafra na eghu ranghidi.

Jajis 18:25

Nu vikegna mae Dan igre ne cheke eghu, “Thosei cheke! Glahu keha mae ka ghehati te diꞌa puhidi igre figri mei falehe ghami ghotilo, nei iheire te gnafa ka tharaknami ghotilo ra eghu.”

Jajis 18:27

Aonu vikegna Dan igre jaola ne mei ne hata mae pris na baludi nogna glepo blahi mana re. Eghuteuna mare tei ne magra ka namono Lais. Naiknogna namono igne au kmu theome lase magra. Nu vikegna Dan igre aknu falehedi nei gnubra nodi namono mare na.

Ululahu Kings 12:29

Mana ne lilisei kaisei mumuju ka namono Betel, eghuteuna keha na ka namono Dan.

Profet Esikiel 48:1

Lord ne cheke eghu, “Igne vikegna Israel na, nei glose nate sopa hata mare ginauna, eghu funu ka nohi ke raru. Nohi igne funu ka Thongna Mediterenian leghu tei ka namono Hetlon, eghuteuna tei thoke ka nabrou te tei salaꞌu ka thogele Hamat. Igne tei thoke ke maghati Hasarenon, eghuteuna leghuni nohi ka namono Damaskas, eghuteuna ka nohigna glose namono Hamat. Vike te gnafa igre ginauna au nodi glose, funu ka nohi ke maghati tei posa ke mosu Thongna Mediterenian. Nodi glose mare te funu ke raru te tei ke mata na igre: “Ulu lahu na, nodi vido glose vikegna Dan. Eghuteuna fapea na, nodi glose vikegna Asa. Eghuteuna keha na, nodi glose vikegna Naftali. Eghuteuna keha na, nodi glose vikegna Manase. Eghuteuna keha na, nodi glose vikegna Efrem. Eghuteuna keha na, nodi glose vikegna Ruben. Eghuteuna keha na, nodi glose vikegna Juda.