Jajis 18:20 - Buka Blahi Ka Cheke Holo

²⁰ Pris igne ne thofno kelitagna fara ka gaoghatho igne. Aonu mana hata glepo blahi igre ne tei baludi vikegna mae Dan.

Jajis 18:20 ပူးပေါင်းရင်းမြစ်များ

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Mae Khuru 20:33

Tutuani, kate au balumi ghotilo na, iara neke theome mamagnani nogna sileni ba nogna pohe ihei na.

Profet Hosia 4:3

Naugna igne, glose igne ginauna moja. Eghuteuna gobigna lepo te tautagu ke lamna glose, nei nanghaji, nei sasa, nei naikno teu igre ginauna na jaola kafe lehe.”

Profet Esikiel 13:19

Ghotilo goigonini kolho nanghagu iara na ka tathadi nogu naikno iara re, eghuteuna ghotilo hata katha gano kolho tabami ghotilo na. Ghotilo theome gnafa te chaghidi nogu naikno iara re, eghuteuna naiknore fatutuani ghami ghotilo kolho. Ghotilo jateula te aknu falehedi eghu naikno te theome mala lehe re, eghuteuna naikno te nabadi te lehe re, ghotilo tajidi kolho nakarhadi re.

Profet Isaia 56:11

Mare jateula khuma te rofo fara, eghuteuna neuba mare ne ghamu, nu mare theome tangomana te boho na. Mae lida igre theome laseni puhigna Lord te keli na. Mare te gnafa na leghudi kolho gaoghathodi thedi te mala atha unha glepo te keli na.

Proveb 30:15

“Puhi khiri na au phei thugna gaꞌase. Nanghadire Tufa ghe Tufa. Aonu thilo glepo igre theome tangomana te chekeni, ‘La nabahi!’ Glepo igre: beku, gaꞌase te theo thugna, nei glose te khapra fara. Eghuteuna fafati glepo na, khaꞌaghi na theome tangomana te chekeni, ‘La nabahi!’

Jajis 17:10

Aonu Maeka ne cheke eghu ka mana, “Iagho mei au kolho balugu iara agne. Iagho ginauna mala nogu pris iara, eghuteuna iagho ginauna cheke ranghi ghau iara unha te magnahagheni God te mala eni iara na. Iara ginauna tusu ari ka iagho nabotho silva koen nabagna kaisei finogha, eghuteuna iara ginauna tufa pohe nei gano eghula ka iagho.”

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Jajis 18:19

Nu mare ne cheke eghu ka mana, “Megeu sagho mei balumi ghehati! Iagho mala nomi pris ghehati. Eghuteuna iagho ginauna chekeni ka ghehati unha te magnahagheni God na mala eni ghehati. Jame te keli na iagho mala pris gna kaisei vike thongana gna Israel ke kelignai te pris iagho ka kaisei tharakna kolho na.”

Jajis 18:21

Mare jifla funu jare balu thudi nei nodi buluka nei nodi gobigna lepo teure ne kulu ulu nu soldia igre ne mei ke leghudi mare.

Profet Esikiel 21:21

Naugna king gna Babilonia na kegra ka fagaglana ka vido aheva te fnota nabrou na. Ka vido tuana te loku ka ghodi teu mana nogna jatare jateula giligomo eghu, eghuteuna mana cheke ka nogna mumuju god re mala laseni gaoghathogna mana na, eghuteuna mana famane filo fakeli ka khebugna buluka teke fafara ka nogna god re. Mana eni u nafnata giligomo igne mala laseni nabrou aheva nate leghuni mana na.