Jajis 18:15 - Buka Blahi Ka Cheke Holo

¹⁵ Glima mae igre ne tei ka nogna suga Maeka na aheva pris ka vikegna Livae te au na, eghuteuna mare tei kegra ka grengatha na ne cheke fakelini Livaet igne.

Jajis 18:15 ပူးပေါင်းရင်းမြစ်များ

Jenesis 43:27

Mae Josep ne cheke eghu ka mare, “Nehau ngau ghotilo ia? Nehau ngau mae khuekuꞌe teke chekeni ghotilo ka iara tifa ia? Mana na keliu ngala?”

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Fapea Kings 4:26

Faghose tei thafoni naꞌa, eghuteuna iagho ginauna ghusna eghu ka naꞌa, ‘Iagho keliu kolho? Khetomu thumu teu iagho ra ba, keliu kolho ba theo?’ ” Kate ghusna eghu mana na, naikno biꞌo na ne cheke eghu, “Ghetilo keliu kolho.”

Ululahu Samuel 17:22

Mae Devet lisei soru ganore ka mae te reireghidi nodi gobigna lepo mae armi igre ne chari ne tei ka vido te tarabana mala magra teu mare na. Mana tei ne filodi thilo mae thabusignare ne ghusnadi thilo mare te keli teu ba unha.

Jenesis 37:14

Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.

Jajis 18:14

Glima mae igre fifilo fakeli ka namono Lais ne cheke eghu ka kheradire, “Ei, kaisei maegna agne na, mana au kaisei mumuju teke horo ka silva nei kaisei nafnata pohe te kiloi efod baludi keha mumuju langau eghu. Ba, na faꞌunhadi si glepo igrea?”

Jajis 18:16

Ka narane tuana, namno gobi soldia igre kegra neu kolho ke kosi grengatha.