Jajis 17:5 - Buka Blahi Ka Cheke Holo

⁵ Maeka horo haghe kaisei vido blahi malagna nogna mumuju na, eghuteuna mana edi keha mumuju mala au ka suga, nei kaisei pohe blahi te kiloi efod. Eghuteuna mana fablahini kaisei thugna te mala pris gna nogna vido blahi na.

Jajis 17:5 ပူးပေါင်းရင်းမြစ်များ

Jajis 18:14

Glima mae igre fifilo fakeli ka namono Lais ne cheke eghu ka kheradire, “Ei, kaisei maegna agne na, mana au kaisei mumuju teke horo ka silva nei kaisei nafnata pohe te kiloi efod baludi keha mumuju langau eghu. Ba, na faꞌunhadi si glepo igrea?”

Jajis 8:27

Gidion ne horo kaisei glepo blahi te kiloi Efod ka gol ne lilisei ka nogna suga na namono Ofra. Theome raugha naiknodi Israel igre ne tei kokoni Lord ne tarai ka glepo blahi igne, jateula gaꞌase te tei kokoni khetogna te au balugna keha nalhaꞌui ra neu. Eghuteuna igne jateula kaisei phighoro eghu ka Gidion nei tharaknagna.

Jenesis 31:19

Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Jajis 18:24

Aonu Maeka ne cheke eghu, “Ghotilo laseni unha te jafra na! Ghotilo hata nogu pris iara na baludi mumuju teke horo iara ra. Iara theo kaisei glepo te salaꞌu na!”

Jenesis 31:30

Iara lase nigho iagho magnahaghei te jifla koko ghau iara mala ke pulo ka namono aheva teke karhamu na teuna. Nu naugna unha sagho te rikha balumu nogu mumujura te mala reireghi gna nogu suga ia?”

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.

Eksodas 29:9

balu nodi khepi mae pris. Iagho jaola atha nodi nhugha mare, mala fahaghe mae Eron baludi thugna manare. Igne puhi te mala leghuni iagho kate taofi pris Eron baludi thugna mana re. Ginauna vikegna Eron igre mala nogu pris iara fabrahu, eghuteuna leuleghu fata na mare ginauna mala loku ranghi ghau iara. “Nogu vetula iara igne ginauna au fabrahu na theo ka huigna.

Eksodas 28:15

“Mae iheire te lasedi gloku igre, mare na eni kaisei paos te mala fagefe lao ka soro gna mae pris. Mare ginauna mala laseni unha te magnahagheini iara te mala eni ghotilo na. Mare na eni paos igne ka nafnata famane pohe vegha nei ghajo te eni mare ka efod igne, eghuteuna mare susuki nafnata thotoghale igre tagna jateula te edi mare ka efod igne eghu.

Hibru 5:4

Kaisei glepo te mala ghathoni tahati na, theo kaisei naikno te vahini thegna te mala mae pris biꞌo na. Nu thegna God ngala te tangomana te mala vahini mae ihei te mala mae pris biꞌo na, jateula ngau God teke vahini mae Eron tifa ia eghu.

Profet Hosia 8:14

Mae Israel igre theome ghatho ghau iara mae ihei teke vuavuhadire. Mare babana nodi suga biꞌo hatimare mae king. Eghuteuna naiknodi Juda jaola neke horo famaku namono na ka gringni thina biꞌo te falithuidi mare. Nu neuba, iara ginauna na koko soru khaꞌaghi mala nhako namono te maku teke eni mare igne balugna nogna suga biꞌo mae king.”

Esra 1:7

Eghuteuna King Saeras jaola neke hata fajifla glepo teke hata fajifla King Nebukadnesa tifa ka nogna Sugablahi Lord na Jerusalem hata neke tei Babilonia, neke lilisei ka sugagna nogna god na.

Ululahu Kings 12:31

King Jeroboam jaola ne horo kaisei Sugablahi ikoi ke kligna thogele mala tarai ka mumuju. Eghuteuna mana ne vavahi keha mae te theome vikegna mae Livae mala pris.

Ululahu Samuel 23:6

Ka narane te rikha te mei mae pris Abiata thugna mae Ahimelek te tei balugna mae Devet Keila igne, mana atha ne mei balugna efod blahi te mala tarai ka God igne.

Eksodas 28:4

Iagho mala chekedi mare mala susuki kaisei paos mala babaꞌo ka babango gna na, balugna kaisei pohe te kiloni mare efod, nei kaisei pohe te kiloni tunik, eghuteuna keha pohe brahu na mala fahaghe ke kligna pohe tunik. Eghuteuna mare mala eni kaisei khepi, nei kaisei nhugha brahu ka pohe. Mare mala susuki pohe igre malagna thabusimu Eron baludi thugna mana ra, mala tangomana mare te loku ranghi ghau iara jateula pris eghu.

Eksodas 24:5

Gnafa teuna mae Moses ne kurudi keha mae majaghani mala tei fafara ka Lord. Mare jaola ne fafara keha buluka mala au ka pharikeli balugna God.

Naba 3:10

Mae Eron baludi thugna re eghu kolho te mala loku jateula mae pris teuna. Jame keha mae delei te mei lamna ka vido blahi igne na, ghotilo ginauna faleheni mae tuana eghu.”

Jajis 17:4

Nu Maeka neke tusu fapulo silva koen igre ka idogna na. Idogna Maeka na hata fajifla phia gobi silva koen ne tusu lao ka kaisei mae mala horo kaisei mumuju. Mare ne lilisei igne ka nogna suga Maeka na.

Jajis 18:30

Mare ne lisei haghe mumuju teke horo ka silva hata teke mei mare mala tarai. Eghuteuna Jonatan mae ihei teke karha ka vikegna Gesom, thugna Moses, teke pris ka mare na. Eghuteuna iheire te karha mei ke leghu ka vikegna mana igne, mare te mala loku jateula pris teu te ghilei thokeni narane te mei nodi naoka maedi Israel igre hata teke teidi mala sneka ka keha kantri te khaba fara delei.

Profet Isaia 44:13

Ghotilo kulu ghathoni igne. Kaisei mae kapenta drou thotoghale naikno ka kaisei vido thaba. Aonu mana famane sari gaju igne mala jateula kaisei naikno eghu. Aonu mana lilisei haghe mumuju igne ka kaisei vido blahi ka nogna suga na mala tarai tagna.

Profet Esikiel 21:21

Naugna king gna Babilonia na kegra ka fagaglana ka vido aheva te fnota nabrou na. Ka vido tuana te loku ka ghodi teu mana nogna jatare jateula giligomo eghu, eghuteuna mana cheke ka nogna mumuju god re mala laseni gaoghathogna mana na, eghuteuna mana famane filo fakeli ka khebugna buluka teke fafara ka nogna god re. Mana eni u nafnata giligomo igne mala laseni nabrou aheva nate leghuni mana na.

Ululahu Samuel 19:13

Mikal atha kaisei mumuju ne lilisei ka sape na. Naꞌa atha keha khakla nanigot ne lilisei ka phaꞌugna mumuju na ne totoku tafru ka pohe.

Ululahu Kings 12:32

Mae Jeroboam ne vahini kaisei narane biꞌo ka nabotho glimai gna narane fahana gna nhigra na, igne jateula kaisei nodi narane biꞌo eghu mae Juda. Mana neke horo kaisei olta Betel mala fafara ka phei mumuju buluka igre. Mana jaola neke fablahidi hatimare mae pris igre Betel mala loku ka vido blahi teke edi mana igre.

Profet Esikiel 21:26

Iara Lord God te cheke ranghi nigho iagho mala hata koko pohe ka phaꞌumu iagho ana balugna nogna khepi nafnakno king ana. Gobigna lepore ginauna tughu. Iheire te theo nodi nolaghi re ginauna kegra funei, eghuteuna iheire te kegra funei gognaro igre ginauna theo nodi nolaghi.