Jajis 17:3 - Buka Blahi Ka Cheke Holo

³ Aonu Maeka neke tusu fapulo silva koen igre ka idogna na. Eghuteuna idogna na ne cheke eghu, “Gognarona iara fablahini silva koen igre mala tei ka Lord mala au kaisei nogna mumuju thugu iara gne.” Aonu idogna na ne cheke eghu ka Maeka, “Gognarona, iara tusu ari silva koen igne ka iagho.”

Jajis 17:3 ပူးပေါင်းရင်းမြစ်များ

Eksodas 20:4

“Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Levitikas 19:4

“Ghotilo mala thosei lisa ghau iara mala tei tarai ka god teke horo kolho naikno ka aean, naugna iara Lord, nomi God ghotilo.

Eksodas 20:23

Fanomho fakeli ghotilo ia. Thosei hohoro mumuju ka gol ba ka silva mala jateula iara eghu mala pogho soru ranghini glepo tuana. Theo, ghotilo mala pogho soru ranghi ghau iara kolho.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Profet Jeremaea 10:8

Naiknore fameomekro nei theome lalase eghu. Mare theome tangomana te athini kaisei glalase ka mumuju teke hohoro ka gaju na.

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.

Jajis 18:5

Mare ne cheke eghu ka mana, “Ghehati magnahaghei nigho iagho te toreni God jame unha te fariuriu edi ghehati igre ginauna keliu kolho ba theo.”

Jajis 17:13

Eghuteuna Maeka ne cheke eghu, “Iara gognarona laseni Lord ginauna mana fablahi ghau iara, naugna kaisei mae Livaet la nogu pris iara.”

Diutronomi 12:3

Ghotilo mala paꞌe sukha nodi olta re, eghuteuna goigoni nodi mumuju thina re. Eghuteuna ghotilo gnubra ka khaꞌaghi mumujugna god gaꞌase Astarot, eghuteuna kato sukha mumujudi nodi god re. Eghuteuna ghiha koko nanghadi nodi god re ka vido tuare mala theome tangomana kaisei naikno na teke ghathodi re.

Eksodas 34:17

“Ghotilo thosei eni kaisei mumuju ka gol, ba ka silva, ba ka thua nafnata aean, mala pogho soru nei tarai eghu tagna.

Jajis 17:2

Kaisei narane, mana ne cheke eghu ka idogna na, “Iara nomhi nigho iagho te nhaꞌa lao kaisei thibri mala thokeni ihei teke blau kaisei thogha kaisei gobi nou vido silva iagho. Iara kolho teke hata na, au ngala balugu iara.” Aonu idogna na ne cheke eghu, “Thuguo, iara toreni Lord mala fablahi nigho.”

Jajis 17:4

Nu Maeka neke tusu fapulo silva koen igre ka idogna na. Idogna Maeka na hata fajifla phia gobi silva koen ne tusu lao ka kaisei mae mala horo kaisei mumuju. Mare ne lilisei igne ka nogna suga Maeka na.

Jajis 18:30

Mare ne lisei haghe mumuju teke horo ka silva hata teke mei mare mala tarai. Eghuteuna Jonatan mae ihei teke karha ka vikegna Gesom, thugna Moses, teke pris ka mare na. Eghuteuna iheire te karha mei ke leghu ka vikegna mana igne, mare te mala loku jateula pris teu te ghilei thokeni narane te mei nodi naoka maedi Israel igre hata teke teidi mala sneka ka keha kantri te khaba fara delei.

Profet Isaia 30:22

Eghuteuna mumuju god te toku tafru ghotilo ka silva nei gol teu igre, ghotilo ginauna koko jateula glepo te diꞌa ra eghu. Ghotilo ginauna koko glepo igre na cheke eghu ka mare, “Iara tirogu nigho fara.”

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Fapea Kronikols 33:7

Aonu mana lilisei kaisei mumuju ka nogna Sugablahi Lord. Nu Lord neke kulu chekehi ka King Devet nei ka King Solomon, neke cheke eghu, “Ghotilo nabotho phei vikegna Israel ra, ghotilo nogu naikno iara. Ka nomi namono te gnafa ghotilo igre, iara neke vahini Jerusalem mala babana ghotilo nogu Sugablahi iara na, eghuteuna Sugablahi igne vido mala tarai nei pogho soruni eghu fabrahu nanghagu iara na. Eghume ghotilo mei mala pogho soru ka iara.