Jajis 17:2 - Buka Blahi Ka Cheke Holo

² Kaisei narane, mana ne cheke eghu ka idogna na, “Iara nomhi nigho iagho te nhaꞌa lao kaisei thibri mala thokeni ihei teke blau kaisei thogha kaisei gobi nou vido silva iagho. Iara kolho teke hata na, au ngala balugu iara.” Aonu idogna na ne cheke eghu, “Thuguo, iara toreni Lord mala fablahi nigho.”

Jajis 17:2 ပူးပေါင်းရင်းမြစ်များ

Nehemaea 13:25

Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.

Thoutonu Eigna Rut 3:10

Mae Boas nomhidi nogna cheke Rut igre ne cheke eghu ka naꞌa, “God te fablahi nigho, thuguo, naugna puhi te eni iagho igne tei la salaꞌuni fara unha teke eni iagho ranghini nanghomu Naomi ia. Eghume, iara thofno jaglo nogu fara te tirou hironi iagho kaisei mae te majaghani te thofno dedei ba mae majaghani te kuma, nu iagho na theome gaoghatho te mala tolaghi ka nafnata mae majaghani igre na.

Fapea Jone 1:11

Ihei te toutonu balugna nafnata naikno tuana, mana toghoni mana ka gloku te diꞌa te edi mana re.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Matiu 26:74

Mae Pita ne funu tibri balu naghoni thegna, ne cheke eghu, “Tutuani fara kligna ka God! Te chaghi iara na God ginauna fate ghau iara! Iara theome laseni mae igne!” Theome raugha ke leghugna te cheke teu mae Pita igne, kaisei khokorako ne taitanhi.

Profet Jeremaea 48:10

“Puhi biꞌo ginau thokedi iheire te theome eni unha te chekeni Lord na! Puhi biꞌo ginauna thokedi iheire te loku fapulo nogna naflahi mala magra na, naugna mare ne theome leghuni chekegna Lord na!

Proveb 28:24

Ihei te blau nodi glepo idogna kmagna re, eghuteuna cheke eghu teuna, “Iara theome eni kaisei puhi te diꞌa.” Mae igne jateula naikno aknu poru eghu.

Nodi Khoje Hatimare Mae Jiu 10:3

God, mae te diꞌa igne, mana cheke fahaehaghedi fara glepo te diꞌa te magnahaghedi thegna re. Mae igne magnahaghedi kmana glepo fara, ne figri tagru nigho, ne cheke fadiꞌa nigho.

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Ululahu Samuel 23:21

Mae Sol ne cheke eghu ka mare, “Lord fablahi ghami ghotilo, naugna ghotilo ne togho ghau iara!

Ululahu Samuel 15:13

Aonu mae Samuel tei ne filoni King Sol ka vido igne. Eghuteuna King Sol ne cheke eghu ka mana, “Iara toreni Lord mala fablahi nigho! Iara la edihi gobigna lepo teke chekedi Lord ra.”

Ululahu Samuel 14:28

Aonu kaisei mae ka mae soldia igre ne cheke eghu ka mana, “Grofo igne la faglaꞌe soru ghami ghehati, nu mae kmamu iagho gne lhoti ghami ghehati te ghamu na. Mana neke eni kaisei tabu, neke cheke eghu, ‘Jame ihei te ghamu gognarogne, mana mala lehe!’ ”

Ululahu Samuel 14:24

Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.

Jajis 5:23

Engel nogna Lord na ne cheke eghu, ‘Puhi biꞌo na thokedi naiknodi Meiros. God ginauna paradi naiknodi Meiros, naugna mare ne theome magnahaghei te toghodi nogna soldia Lord ka magra.’

Diutronomi 27:16

“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’

Eksodas 20:7

“Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Jajis 17:1

Kaisei mae nanghagna na Maeka, vikegna Efrem. Mana au ka thogele ka nogna glose Efrem.

Jajis 17:3

Aonu Maeka neke tusu fapulo silva koen igre ka idogna na. Eghuteuna idogna na ne cheke eghu, “Gognarona iara fablahini silva koen igre mala tei ka Lord mala au kaisei nogna mumuju thugu iara gne.” Aonu idogna na ne cheke eghu ka Maeka, “Gognarona, iara tusu ari silva koen igne ka iagho.”