Jajis 16:27 - Buka Blahi Ka Cheke Holo

²⁷ Sugablahi igne thofno fodu salaꞌui ka mae nalhaꞌu nei gaꞌase, eghuteuna mae funei te gnafadi Filistia re jaola au baludi mare. Eghuteuna sare ke tagru Sugablahi na, jame thilo thogha nalhaꞌu nei gaꞌase filo soru ka Samson ne maꞌeni mana.

Jajis 16:27 ပူးပေါင်းရင်းမြစ်များ

Diutronomi 22:8

“Kate eni ghotilo kaisei vido ke kligna suga mala faghaghafa, ghotilo bara lithui ka thaba mala theome tangomana kaisei naikno te uka te lehe na, naugna jame te lehe naikno na ghotilo ginauna khale ka falehe naikno.

Fapea Samuel 11:2

Kaisei narane, fei grafi, mae Devet dofra haghe ne tei faghaghafa ke tagru suga. Eghuteuna, kate au teu mana ke tagru suga na, mana ne filo teini kaisei gaꞌase apu neu. Gaꞌase igne thono famane fara.

Josua 2:8

Kate theome thuru nga teu phei mae igre, Rehab tei ne filodi phei mae igre

Jajis 9:51

Fari hoteigna namono igne au kaisei suga rheta mala toetoe. Ka narane tuare, mae nalhaꞌu nei goro gaꞌase, baludi goro mae biꞌo mala baubatu ka namono igne eghu tei poru ka suga mala toetoe igne. Kate ruma mare lamna ka suga mala toetoe igne na, mare thofno bibilakhi famaku grengathagna na, eghuteuna mare tei au ke tagru suga.

Jajis 16:26

Samson ne cheke eghu ka mae majaghani te reireghini mana na, “Iara magnahaghei te loku ka phei khegra biꞌogna Sugablahi na naugna iara magnahaghei te gnafa kakatha.”

Jajis 16:28

Aonu Samson ne tarai, “Lord God, ghatho ghau iara. God, ke farheta ghau kaisei fata. Naiknodi Filistia igre bilo kokohi phei tathagu iara gre, eghume iara magnahaghei nigho iagho teke tughu fapulo unha teke eni mare ka iara na.”