Jajis 16:25 - Buka Blahi Ka Cheke Holo

²⁵ Ka narane tuana, mae funei re ne glealeꞌa fara aonu mare ne cheke eghu, “Tei hata fajifla mei Samson ka sosolo, mala maꞌe nodani!” Mae funei igre hatani mana ne mei, eghuteuna mare maꞌe ne maꞌeni mana. Aonu, mare ne fakegra mana farihoteidi khegra biꞌo ke lamnagna nodi Sugablahi na.

Jajis 16:25 ပူးပေါင်းရင်းမြစ်များ

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Jajis 19:6

Aonu phiamare gnokro fodu ne ghamu nei koꞌu neu. Nu kate ghamu te gnafa na, kmagna gaꞌase gne ne cheke eghu ka mana, “Te keli na iagho na aughu bongi na mala gleꞌa noughu themu.”

Jajis 9:27

Eghuteuna mare tei ka nagare grep na ne ukli sisi mala ei waen. Mare te gnafa na ne eni kaisei gaghamu biꞌo ke lamnagna nogna suga nodi god na. Ka gaghamu igne mare loku ka ghamu na nei koꞌu na neu, eghuteuna mare ne cheke faparini Funei Abimelek.

Hibru 11:36

Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Matiu 27:29

Mare nhaꞌa lao kaisei khepi fifiriulu ka pha'ugna mana na. Eghuteuna mare ne faloku lao kaisei khodo fei khame nheta mala tithini mae king mana fifilogna na. Gnafa teuna, mae soldiare ne kafe pogho soru ke ulugna mae Jisas ne maꞌeni mana. Aonu mare ne cheke eghu ka mana, “Cheke fakeli nigho, iagho nodi king hatimare mae Jiu!”

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Nodi Khoje Hatimare Mae Jiu 69:26

Eni sagho igne, naugna mare ne fakokhoanadi iheire teke paradihi iagho ra, nei cheke fadiꞌadi iheire teke fagorehodihi iagho ra.

Nodi Khoje Hatimare Mae Jiu 69:12

Leuleghu fata na mare salo fodu ka namono na mala buiburi ghau iara, eghuteuna mae te koꞌu te dranga re jaola edi keha khoje te diꞌa eigu iara.

Nogna Buka Esta 3:15

Aonu mae te mala hata nonomho igre mare ghosei ne hata ne tei nonomho igne ka namono biꞌo Susa, nei ka kantri te gnafa te funei frunidi king Sekses. Kate nomhini cheke igne, naikno te gnafa te au ka namono biꞌo Susa ne funu nanga nodi fara, naugna naiknore theome laseni te eni mare vetula igne. Nu King ghe mae Haman ne thofno keli tadi fara ka vetula igne ne kafe gnokro pari ne koꞌu waen ka narane igne.

Ululahu Kings 20:12

Ka narane igne, King Ben-Hadad baludi keha king igre ne koꞌu waen neu ka nodi suga tapuale re. Eghuteuna kate nomhini mae Ben-Hadad nogna cheke King Ehab igne, mana ne cheke ka nogna soldia re mala tarabana mala tei magra Samaria.

Jajis 19:9

Kate tarabana mala tei teu retilo na, kmagna gaꞌase igne neke cheke eghu, “Gognarogne la rafihi. Te keli na aughu bongi na mala gleꞌa noughu themu. Hamerane boibongi nathuꞌu ame tei nga ghotilo eghu.”

Jajis 18:20

Pris igne ne thofno kelitagna fara ka gaoghatho igne. Aonu mana hata glepo blahi igre ne tei baludi vikegna mae Dan.

Jajis 16:24

Eghuteuna kate filoni naiknore mumujugna Degon na, mare koje ne cheke fakelini nodi god igne, “Samson neke goigonidi noda glose tahati ra, eghuteuna mana neke aknu falehe kmana mae ka tahati. Igne noda naoka tahati ia, nu noda god tahati na togho ghita ne uluni mana!”

Jajis 16:26

Samson ne cheke eghu ka mae majaghani te reireghini mana na, “Iara magnahaghei te loku ka phei khegra biꞌogna Sugablahi na naugna iara magnahaghei te gnafa kakatha.”

Nogna Buka Esta 1:10

Ka fafitu narane na, king Sekses ne thofno keli tagna fara, naugna mana ne koꞌu waen ne salaꞌui. Aonu mana ne kilo meidi fitu nogna mae gloku igre: mae Mehuman, mae Bista, mae Habona, mae Bikta, mae Abakta, mae Seta nei mae Kakas.