Jajis 16:17 - Buka Blahi Ka Cheke Holo

¹⁷ Aonu leghu lahu na mana ne ghilei toutonu ka naꞌa unha teke poruni mana na. Mae Samson ne cheke eghu, “Tifa na, funu ka narane teke karha iara na, mare neke theome kuchi khaklagu iara na naugna mare neke fablahi ghau iara ka God mala kaisei Nasaraet. Jame te kuchi mare khaklagu iara na gognarogne, iara ginauna na theome nheta eghuteuna iara ginauna glaꞌe kolho jateula keha mae are eghu.”

Jajis 16:17 ပူးပေါင်းရင်းမြစ်များ

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Proveb 12:23

Mae ihei te au tagna gaoghatho te keli na, theome ghosei chekeni unha te au ka nagnafagna na. Nu mae te fameomekro na edi thua nafnata cheke te theo nafudi.

Jajis 13:5

Eghuteuna ke leghugna narane te karha sua igne, iagho ginauna thosei kuchi khaklagna mana na, naugna funu ka narane igne iagho ginauna fablahini ka God mala kaisei Nasaraet. Eghuteuna mana ginauna funu loku mala fakarhidi naiknodi Israel ka nodi nolaghi vikegna Filistia.”

Naba 6:5

“Eghuteuna kate kaisei ghotilo baludi tothoghei Nasaraet gre na, ghotilo thosei kuchi nei thosei ghoighori khakla mire eghu. Uve, ghotilo thosei kuchi ghilei salaꞌu narane teke nhaꞌa cheke themi ka iara na, lisa lao mala brahu khakla ka phaꞌumi are.

Mae Khuru 18:18

Mae Pol ne au Korin kmana narane baludi naikno khiloau re. Ke leghugna igne, mana jifla ne tei ka namono Kenkria. Jare mana ne kuchi fakmoꞌei khaklagnare. Igne kaisei nogna nhaꞌa cheke mana ka God. Aonu mana saghe ka vaka ne tei Siria. Prisila ghe mae Akuila ne tei balugna mana

Proveb 29:12

Mae lida te fanomho ka chaichaghi na, nogna mae gloku te gnafa mana ka gavman na igre ginauna kafe diꞌa hui.

Naba 6:2

“Cheke ka naiknodi Israel are, ne magnahaghei mei fablahidi nei mei nhaꞌa cheke ka iara mala kaisei baludi ka tothoghei Nasaraet neu nga ghotilo nu,

Jajis 16:16

Leuleghu narane kolho naꞌa te ghusnani mana eigna nogna narheta mana na ghilei namo lehe mae Samson.

Jajis 16:18

Aonu Delila laseni Samson te cheke kate tutuani na. Naꞌa ne fatei cheke ka mae funeidi Filistia, ne cheke eghu, “Ghotilo ke mei kaisei fatai. Gognarona, mana la cheke kate tutuani ka iara.” Aonu mare neke pulo mei balu seleni ka khamedire.

Proveb 13:3

Mae te ghaoghatho te cheke nga na, mana ginauna na karha. Nu mae te theome ghaoghatho te cheke nga na, mana ginauna lehe.