Jajis 16:15 - Buka Blahi Ka Cheke Holo

¹⁵ Aonu Delila ne tanhi eghu ka mana, “Samson, faꞌunha eghu iagho chekeni, iagho ne thofno namha ghau iara teuna? Iagho la ghilei thilo fata chaghi ghau iara! Naugna unha sagho te theome chekeni ka iara unha te eni ka iagho te rheta fara gnea?”

Jajis 16:15 ပူးပေါင်းရင်းမြစ်များ

Jajis 14:16

Aonu naꞌa mei ne filoni Samson, eghuteuna naꞌa tanhi ne cheke eghu, “Iagho theome namha ghau iara kolho! Jame namha ghau iara na, iagho jame cheke thakleni gaoghathogna grougromu igne ka kheragu iara igre!” Nu Samson ne cheke eghu ka naꞌa, “Sei, iara jaola theome chekeni gaoghathogna grougromu igne ka idogu kmagu re! Eghume faꞌunha eghu iara chekeni ka iagho?”

Ululahu Jone 5:3

Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Proveb 23:26

Thuguo, iagho famane fanomho fakeli ka iara. Leghuni kolho puhigu iara gne.

Proveb 2:16

Jame khetogna keha mae na cheke famaemahe ka iagho, gaoghatho te keli na ginauna bara nigho, eghuteuna iagho ginauna theome leghuni nogna cheke gaꞌase igne.

Fapea Samuel 16:17

Mae Absalom nomhini igne ne cheke eghu ka mae Husae, “Ei, iagho kaisei kheragna keli mae Devet. Naugna unha sagho te theome tei balugna mana gnea?”

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Jenesis 29:20

Aonu mae Jekop ne loku ranghini mae Laban fitu finogha mala gna te tolaghi ka Resel na. Ka gaoghathogna mae Jekop na fitu finogha igre jateula te phei narane ra eghu kolho ka mana, naugna mana ne magnahagheni fara Resel.

Jajis 16:14

Kate thuru teu Samson na, Delila ne haru fitu glopo khaklagna mana igre ka pohe teke horo naꞌare, eghuteuna fagefe lao ka gajugna masin te mala ei pohe na. Aonu naꞌa ne eha eghu, “Samson dofra haghe! Maedi Filistia tela mei igre!” Aonu mana ne kegra haghe, eghuteuna mana kaisei fata korho haghe kolho khaklagna re baludi gaju nei pohe eghu teke maku ka masin teke chakhi tagna khakla igre.

Jajis 16:16

Leuleghu narane kolho naꞌa te ghusnani mana eigna nogna narheta mana na ghilei namo lehe mae Samson.

Nehemaea 6:4

Fati fata phiamare te famei nafnata cheke igne ka iara na, nu leuleghu fata na iara jaola fatei nafnata cheke igne ka phiamare.