Jajis 16:12 - Buka Blahi Ka Cheke Holo

¹² Delila hata phukri majaghani ne haruni Samson. Mae teke poru teku jateula tifeiro ia neu. Delila ne eha eghu, “Samson dofra haghe! Maedi Filistia tela mei igre mala loki nigho iagho!” Nu Samson kegra haghe ne kusu phukri igre ka khamegna na jateula grua ghajo neu kolho.

Jajis 16:12 ပူးပေါင်းရင်းမြစ်များ

Jajis 16:11

Samson ne cheke eghu, “Jame te haru ghau iara na, mare hata phukri majaghani te theo kaisei mae teke loku tagna tifa na, iara ginauna glaꞌe kolho jateula keha mae are eghu.”

Jajis 16:13

Aonu Delila ne cheke eghu, “Iagho thofno chaghi ghau iara, eghuteuna iagho filo ghau iara na jateula kaisei naikno fameomekro eghu kolho. Glepo te chekedi iagho igre theome tutuani! Uve, jame kaisei mae magnahaghei haru nigho iagho, unha nate eni mana na?” Eghuteuna Samson ne cheke eghu, “Iagho laseni iara au fitu glopo khaklagu te brahu, eghuteuna jame hata iagho igre te haru ka pohe te edi iagho igre, eghuteuna iagho famamhaku ka gajugna masin te ei pohe igne teuna, iara ginauna glaꞌe kolho jateula keha mae are eghu.”

Jajis 15:14

Kate mei Samson Lehi na, soldia di Filistia igre chari ne mei balu eha fabiꞌo. Ka narane tuana, Tharunga gna Lord na ne mei ka Samson, neke farhetani mana. Mana ne kusu phei gnarho teke haru ka mana igre, jateula mae ihei te lolhopa buburu moja ra neu.

Mae Khuru 21:33

Aonu mae funei biꞌodi mae armi re ne chekedi mae soldiare mala lokini mae Pol, eghuteuna haruni mana ka phei chen. Eghuteuna mana ne ghusna eghu ka naiknore, “Mae ihei si ignea? Unha teke eni mana na?”