Jajis 16:11 - Buka Blahi Ka Cheke Holo

¹¹ Samson ne cheke eghu, “Jame te haru ghau iara na, mare hata phukri majaghani te theo kaisei mae teke loku tagna tifa na, iara ginauna glaꞌe kolho jateula keha mae are eghu.”

Jajis 16:11 ပူးပေါင်းရင်းမြစ်များ

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Proveb 13:5

Mae te doglo na theome magnahaghei te edi thua nafnata cheke te chaichaghi re. Nu mae te lase chaichaghi na mana tangomana te famamaja ikno na.

Proveb 13:3

Mae te ghaoghatho te cheke nga na, mana ginauna na karha. Nu mae te theome ghaoghatho te cheke nga na, mana ginauna lehe.

Jajis 15:13

Mare ne cheke eghu ka mana, “Uve, ghehati ginauna theome falehe nigho iagho nu khogla haru nigho eghuteuna hata tei nigho ka mare.” Aonu mare haruni mana ka phei gnarho majaghani. Aonu mare hata fajiflani mana ka gluma Etam.

Jajis 16:10

Ke leghu, Delila ne cheke eghu, “Iagho thofno chaghi ghau iara eghuteuna iagho filo ghau iara jateula kaisei naikno fameomekro eghu! Chekeni ka iara unha glepo te tutuani na. Jame kaisei mae magnahaghei haru nigho iagho, unha nate eni mana na?”

Jajis 16:12

Delila hata phukri majaghani ne haruni Samson. Mae teke poru teku jateula tifeiro ia neu. Delila ne eha eghu, “Samson dofra haghe! Maedi Filistia tela mei igre mala loki nigho iagho!” Nu Samson kegra haghe ne kusu phukri igre ka khamegna na jateula grua ghajo neu kolho.