Jajis 16:10 - Buka Blahi Ka Cheke Holo

¹⁰ Ke leghu, Delila ne cheke eghu, “Iagho thofno chaghi ghau iara eghuteuna iagho filo ghau iara jateula kaisei naikno fameomekro eghu! Chekeni ka iara unha glepo te tutuani na. Jame kaisei mae magnahaghei haru nigho iagho, unha nate eni mana na?”

Jajis 16:10 ပူးပေါင်းရင်းမြစ်များ

Jajis 16:13

Aonu Delila ne cheke eghu, “Iagho thofno chaghi ghau iara, eghuteuna iagho filo ghau iara na jateula kaisei naikno fameomekro eghu kolho. Glepo te chekedi iagho igre theome tutuani! Uve, jame kaisei mae magnahaghei haru nigho iagho, unha nate eni mana na?” Eghuteuna Samson ne cheke eghu, “Iagho laseni iara au fitu glopo khaklagu te brahu, eghuteuna jame hata iagho igre te haru ka pohe te edi iagho igre, eghuteuna iagho famamhaku ka gajugna masin te ei pohe igne teuna, iara ginauna glaꞌe kolho jateula keha mae are eghu.”

Luku 22:48

Nu mae Jisas ne cheke eghu ka mae Judas, “Ghema Judas, iagho gnangho ghau iara mae teke mei funu ka God gne mala snakre lao ghau iara ka khamedi nogu mae naoka iara gre sia?”

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Proveb 24:28

Iagho thosei cheke faparini mae kheramu te theome eni kaisei glepo te diꞌa na. Iagho thosei chaghini mana ka keha naiknore.

Jajis 16:7

Samson ne cheke eghu, “Jame te haru ghau iara mare ka fitu phukri phaloho majaghani na, iara ginauna glaꞌe jateula keha mae are eghu na theome tangomana te eni kaisei glepo na.”

Jajis 16:9

Naꞌa pophoru neu keha mae lamna ka chogho rhegna te au repa na. Eghuteuna naꞌa ne eha eghu, “Samson, kegra haghe! Maedi Filistia igre la jifla mei mala loki nigho iagho!” Nu Samson ne tungnu kusu phukri igre jateula phukri te khusu ka khaꞌaghi ra neu. Aonu mare theome laseni unha te eni te rheta fara mana tagna igne.

Jajis 16:11

Samson ne cheke eghu, “Jame te haru ghau iara na, mare hata phukri majaghani te theo kaisei mae teke loku tagna tifa na, iara ginauna glaꞌe kolho jateula keha mae are eghu.”

Nehemaea 6:4

Fati fata phiamare te famei nafnata cheke igne ka iara na, nu leuleghu fata na iara jaola fatei nafnata cheke igne ka phiamare.