Jajis 15:8 - Buka Blahi Ka Cheke Holo

⁸ Aonu Samson magridi mare balu diꞌatagna fara ne ghilei aknu falehe kmana ka mare. Ke leghu, mana jifla ne tei poru ka gluma lamna thina jare namono Etan.

Jajis 15:8 ပူးပေါင်းရင်းမြစ်များ

Profet Isaia 63:6

Naugna iara thono diꞌatagu fara la goigonidi nei aknu falehedi eghu naikno te gnafa ka keha kantri igre. Uve, dadaradire thofa tongana ka glose na.”

Profet Isaia 63:3

Lord ne cheke eghu, “Iara neke tapla faparidi kmana kantri jateula mae te tapla ke kligna grep, nu theo kaisei mae te togho ghau iara teura eghu. Iara tapla ke klignadi mare, naugna iara ne diꞌatagu fara ka mare, eghuteuna dadaradi mae igre te ukru nogu pohe iara na.

Profet Isaia 25:10

Lord ginauna doadofrani nei reireghini eghu Thogele blahi Saion. Nu mana ginauna na tapla ke klignadi naiknodi Moab, jateula buluka te tapla ke klignadi buburu eghuteuna buburu igre chakhi ka charagna thegnare lamna chopu ra eghu.

Jajis 15:7

Samson ne cheke eghu ka mare, “Naugna ghotilo ne eni puhi te diꞌa igne ka iara, iara cheke fadoglo ari ka ghotilo, iara ginauna theome gnafa ghilei tughu fapulo gobigna lepo igre.”

Jajis 15:9

Theome raugha armigna Filistia mei ne au Juda mala magra ka namono Lehi, gaoghathogna na nhubra gagama.

Jajis 15:11

Aonu thilo thogha soldia di Juda tei ka gluma Etam ne cheke faheta eghu ka Samson, “Theome lasedi sagho maedi Filistia te funei fruni ghita tahati grea? Unha sagho te eni ka ghehati gnea?” Nu Samson ne cheke eghu, “Iara eni igne mala ke tughu fapulo unha teke eni mare ka iara na.”

Jajis 15:10

Maedi Juda te au ka namono igne ne ghusna eghu ka mare, “Naugna unha si ghotilo te mei magri ghami ghehati gnea?” Eghuteuna maedi Filistia igre ne cheke eghu, “Ghehati mei mala lokini Samson mala ke tughu fapulo unha teke edi mana ka ghehati ra!”