Jajis 15:6 - Buka Blahi Ka Cheke Holo

⁶ Keha mae biꞌodi Filistia gre ne ghusna eghu, “Ihei site eni puhi te diꞌa ignea?” Ke leghu, mare laseni Samson te eni igne naugna ivagna mana Timna igne neke snakre lao khetogna Samson na ka kaisei mae teke gnokro balugna mana ka gaghamu tholaghi ia. Aonu maedi Filistia tei ne gnubra gaꞌase igne balugna kmagna na.

Jajis 15:6 ပူးပေါင်းရင်းမြစ်များ

Jajis 14:15

Aonu ka fafati narane na, mare mei ne cheke eghu ka khetogna mana na, “Ei, iagho chaghini mae igne, mala cheke thakleni mana gaoghathogna grougromu igne ka ghehati. Na eghu nu gnubra nigho ghehati ke lamnagna nou suga na eghu, baludi iheire te gnafa ka tharaknagna kmamu iagho na. Iagho jau kilo mei ghami ghehati ka gaghamu igne mala hata nomi glepo ghehati re neku signe!”

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Proveb 22:8

Mae te joꞌu glepo te diꞌa na, mana dokha puhi biꞌo. Puhigna mana te diꞌa igne, ginauna ari theo nafugna.

Jajis 12:1

Eghuteuna armigna Efrem igne loku fodu ne tei kasa ka Khoꞌu biꞌo Jordan ne tei thafoni Jefta ka namono Safon. Aonu mare ne cheke eghu ka mana, “Naugna unha si ghotilo te theome mei kilo ghami ghehati te mala tei balumi ghotilo kate tei magra ghotilo ka vikegna Amon ia? Puhi igne theome keli. Eghume, ghehati ginauna gnubra nigho iagho balugna nou suga iagho na.”

Jajis 15:5

Mana fakasa khaꞌaghi ka khakla gaju igre, eghuteuna lisa lao khuma mata igre chari ne tei farihoteidi nodi nagare wit naiknodi Filistia. Khaꞌaghi igre ne gnubra wit teke uklihi bubukrei tekure nei theome ukli nga tekure. Eghuteuna mana jaola gnubra nodi nagare grep nei nagare oliv.

Jajis 15:7

Samson ne cheke eghu ka mare, “Naugna ghotilo ne eni puhi te diꞌa igne ka iara, iara cheke fadoglo ari ka ghotilo, iara ginauna theome gnafa ghilei tughu fapulo gobigna lepo igre.”