Jajis 15:5 - Buka Blahi Ka Cheke Holo

⁵ Mana fakasa khaꞌaghi ka khakla gaju igre, eghuteuna lisa lao khuma mata igre chari ne tei farihoteidi nodi nagare wit naiknodi Filistia. Khaꞌaghi igre ne gnubra wit teke uklihi bubukrei tekure nei theome ukli nga tekure. Eghuteuna mana jaola gnubra nodi nagare grep nei nagare oliv.

Jajis 15:5 ပူးပေါင်းရင်းမြစ်များ

Fapea Samuel 14:30

Aonu mae Absalom ne cheke eghu ka nogna mae glokure, “Ghotilo lasenihi nogna nagare mae Joab te au rhegna nogu nagare iara ia. Ghotilo tei gnubra rais bali te kotu ka nagare tuana.” Aonu nogna mae gloku mana igre tei ne gnubra nagare igne.

Eksodas 22:6

“Jame kaisei mae fufunu kaisei khaꞌaghi ikoi ka nogna nagare na, eghuteuna biꞌo me ghilei tei kasa ka nogna nagare wit keha mae na, ba tei gnhubra fateo u wit teke kulu ukli bubukrei teku mana re teuna, mae teke eni gna khaꞌaghi igne ke folini mae khotogna nagare na eidi gano teke gnhubra ka khaꞌaghi tuare.

Eksodas 23:11

Nu ka fafitu finogha na, ghotilo thosei joꞌu gano. Unha teke kotu haghe jare na, tuare lisa lao ka naikno te kuma re mala atha ima ghedi, eghuteuna lisa lao ka buluka mala ghamu ghedi unha te salaꞌui re eghu. Jateula tuana eghu ngala ghotilo nagare waen nei oliv teure.

Jajis 15:4

Aonu mana tei ne hata thilo gobi khuma mata, eghuteuna mana ne haru fodu phei eghu sekodire, eghuteuna mana ne haru famaku khakla gaju moja ka sekodi khuma igre.

Jajis 15:6

Keha mae biꞌodi Filistia gre ne ghusna eghu, “Ihei site eni puhi te diꞌa ignea?” Ke leghu, mare laseni Samson te eni igne naugna ivagna mana Timna igne neke snakre lao khetogna Samson na ka kaisei mae teke gnokro balugna mana ka gaghamu tholaghi ia. Aonu maedi Filistia tei ne gnubra gaꞌase igne balugna kmagna na.