Jajis 15:19 - Buka Blahi Ka Cheke Holo

¹⁹ God ne piphike thina na Lehi ne jateula dis neu eghuteuna kaisei khoꞌu ne jifla mei tagna. Kate koꞌu te gnafa na, Samson neke rheta fapulo. Mare ne kiloni glokha khoꞌu igne “Nogna Glokha Khoꞌu Mae Ihei te Tanhi.” Glokha khoꞌu igne au ngala Lehi gognarona.

Jajis 15:19 ပူးပေါင်းရင်းမြစ်များ

Profet Isaia 44:3

Eghume, iara ginauna snakre mei nakhete mala soru mei ke kligna glose te theo khoꞌu fara mala tangomana khoꞌu gre te britha ke kligna glose te khapra. Eghuteuna iara ginauna snakreni Tharungagu na ka thumi ghotilore. Eghuteuna iara ginauna fablahidi iheire nate karha mei ke leghumi ghotilo re.

Jenesis 45:27

Nu hatimare ne toutonu ka mae kmadi na gobigna lepo teke chekedi mae Josep ka mare re. Kate filodi mae Jekop kat teke famei mae Josep te mala hatani mana te tei Ijep na, gaoghathogna mana na neke keli fapulo.

Nodi Khoje Hatimare Mae Jiu 34:6

Iara gne theo ihei nga te kokhoni ghau na, nu kate tore iara na, Lord nomhi ghau iara ne togho ghau iara ne atha fadeleidi puhigu iara re.

Profet Isaia 40:29

Mana tusu lao narheta ka iheire te babaꞌo. Eghuteuna tusu lao nolaghi ka iheire te nigra.

Profet Isaia 40:26

Ghotilo filo haghe ka maloa gno! Ihei teke edi nathunu are?” Lord neke edi neke lilisei ka thofno vido mala audire, eghuteuna mana jaola neke lilisei nanghadi. Naugna mana thofno nheta fara nei au nolaghi fateote'o, eghuteuna theo kaisei nathunu te dofi ka mala augna na.

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Jenesis 30:30

Tifa na iagho neke theome kmana nou sipu jateula tuana neku. Neke theo fara ngala. Nu neke theome kmana kolho. Eghume kate mei te au iara agne balumu iagho gognaro gne, iagho aola au nou kmana sipu nga eghu, naugna Lord ne toghodi nogu gloku iara te edi ranghi nigho iagho gre. Nu gognaro na iara magnahaghei te mala loku ranghidi kolho tharaknagu thegu gne.”

Jenesis 28:19

Mana ne kiloni vido igne Betel, gaoghathogna nangha igne sugagna God eghu. Tifa na mare neke kiloni namono igne Lus.

Jenesis 16:13

Naꞌa ne jaglo nogna fara ne cheke eghu, “Iara gognaro na la filonihi God mae ihei te filo ghau iara na.” Aonu Hega ne kiloni nanghagna Lord na, “El Roi,” gaoghathogna ka cheke Hibru na, “God na ne filo ghau iara.”

Naba 20:11

Aonu mae Moses ne loku haghe khodo na ne phia fata cha lao ka thina biꞌo na, eghuteuna khoꞌu ne loloro mei, aonu naikno baludi glepo te tautagu re ne koꞌu.

Jajis 15:9

Theome raugha armigna Filistia mei ne au Juda mala magra ka namono Lehi, gaoghathogna na nhubra gagama.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Nodi Khoje Hatimare Mae Jiu 110:7

King, iagho jateula te koꞌu ka khoꞌu rhegna nabrou na te eghu e fahetadi thinimu na, eghume iagho ginauna na nheta fabrahu ghilei uludi iagho magra te gnafare.