Jajis 15:18 - Buka Blahi Ka Cheke Holo

¹⁸ Samson roi koꞌu, eghuteuna mana ne tanhi eghu ka Lord, “Lord, God! Iagho togho ghau iara neke uludi soldia di Filistia, ba iagho magnahaghei ghau iara te lehe ka khamedi naikno bongihehedi Filistia igre?”

Jajis 15:18 ပူးပေါင်းရင်းမြစ်များ

Hibru 11:32

Eghume, na jare ghu gnafa iara. Iara theo nogu narane te mala tonudi ka ghotilo eigna mae Gidion, mae Barak, mae Samson, mae Jefta, mae Devet, mae Samuel nei hatimare mae profet.

Jone 19:28

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Fapea Samuel 1:20

“Thosei toutonu ka namono Gat! Thosei eha leghu nabrou ka namono Askelon! Te eghu ghotilo na, goro gaꞌasedi Filistia are ginauna keli tadi fara. Uve, thudi gaꞌase mae bongihehe di Filistia igre ginauna gleale'a.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Jajis 16:28

Aonu Samson ne tarai, “Lord God, ghatho ghau iara. God, ke farheta ghau kaisei fata. Naiknodi Filistia igre bilo kokohi phei tathagu iara gre, eghume iara magnahaghei nigho iagho teke tughu fapulo unha teke eni mare ka iara na.”

Jajis 8:4

Ke leghugna igne, Gidion baludi thilo gobi nogna soldia re tei ne kasa ka Khoꞌu biꞌo Jordan. Eghuteuna neubane haimini te babaꞌo nodi fara na, mare ngolhini armigna Midian igne.

Jenesis 32:31

Naprai na la haghehi kate jifla mana Peniel na. Mae Jekop ne theome nonolo fakeli naugna nhubra ghahegna na la klasuhi la.

Jenesis 20:11

Mae Ebraham ne cheke eghu, “Igne unha teke ghathoni iara ka thegu na, theo kaisei naikno ka namono igne te ghatho tahuni God na, eghuteuna mare ginauna na falehe ghau iara naugna mare magnahaghei te atha te khetogu iara na.

Jajis 15:17

Kate gnafa koje na, mana koko ne tei nhubra igne. Eghuteuna mare ne kiloni namono igne Thogele Nhubra Gagama.

Jajis 14:3

Nu repa ne cheke eghu ka mana, “Tahati au kmana gaꞌase ka vikeda tahati igre, nei ka keha naiknodi Israel aheva iagho tangomana te tolaghi na. Naugna unha sagho te magnahaghei tei hata khetomu Filistia ka naikno bongihehe igrea?” Samson ne cheke eghu ka mae kmagna na, “Ghopa tei atha mei gaꞌase ia naugna iara magnahagheini fara naꞌa.”