Jajis 15:15 - Buka Blahi Ka Cheke Holo

¹⁵ Samson ne filoni kaisei nhubra gagama gna dongki teke lehe majaghani na, aonu mana hata haghe nhubra gagama igne ne aknu falehe kaisei thogha soldia gna Filistia.

Jajis 15:15 ပူးပေါင်းရင်းမြစ်များ

Josua 23:10

Jame kaisei thogha mae magnahaghei aknu falehe ghami ghotilo, kaisei mae ka ghotilo kolho nate ngolhidi mare na, naugna Lord phile balumi ghotilo jateula teke nhaꞌa chekeni mana ka ghotilo ia eghu.

Levitikas 26:8

Glima mae ka ghotilo kolho nate ngolhi fajifladi kaisei gobi naoka! Eghuteuna kaisei gobi mae kolho ka ghotilo na ginauna ngolhi fajifladi nabotho thogha naoka! Nomi naoka ghotilo igre ginauna kafe lehe ka nomi naflahi mala magra ghotilo re.

Jajis 3:31

Ke leghugna Ehud, Samga thugna Anat jaola neke fakarhidi naiknodi Israel. Mana kaisei fata na neke aknu falehe namno gobi maedi Filistia ka kaisei gaju fnonu te atha mare te mala batudi buluka re.

Ululahu Samuel 14:14

Ka magra ululahu igne, phiamare ne aknu falehe varadaki soldia ke lamnagna vido nohi ikoi kolho.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Jajis 7:16

Mana tufa thilo gobi mae igre ka thilo tothoghei, eghuteuna mana tufa ka kaisei trampet nei dis teke hohoro ka glose biꞌo eghu ka mare gnafa. Eghuteuna mare te gnafa na au juta te phae ke lamnadi dis igre.

Jajis 4:21

Nu Sisera thono babaꞌo fara ne thuru iho. Nu Jael megei nga ne tei hata kaisei hama balugna kaisei gaju fnonu ka suga thapuale na. Eghuteuna naꞌa thoghei ne tei rhegna vido te thuru teu mana na. Eghuteuna naꞌa tuge soru gaju igne lamna ka glangi phaꞌugna mana na ne ghilei thoke pari ka glose ro. Aonu mae igne ne lehe.

Jajis 15:16

Aonu mana ne koje eghu, “Ka nhubra gagama gna dongki, iara bubukrei kmana mae igre! Ka nhubra gagama gna dongki, iara aknu falehe kaisei thogha soldia!”

Jajis 15:17

Kate gnafa koje na, mana koko ne tei nhubra igne. Eghuteuna mare ne kiloni namono igne Thogele Nhubra Gagama.

Levitikas 26:7

Ghotilo ginauna ngolhi fajifladi nomi naokare eghuteuna aknu falehedi ka nodi naflahi mala magra re.

Fapea Samuel 23:8

Igre nanghadi nhuludi nogna soldia mae Devet re: Ulu lahu na, mae Jes-Baal ka vikegna mae Hakmon. Mae igne mae funei ka thilo mae nhuludi soldia igre. Mana neke hata nogna goru na neke fada falehe nhana gobi soldia.