Jajis 15:11 - Buka Blahi Ka Cheke Holo

¹¹ Aonu thilo thogha soldia di Juda tei ka gluma Etam ne cheke faheta eghu ka Samson, “Theome lasedi sagho maedi Filistia te funei fruni ghita tahati grea? Unha sagho te eni ka ghehati gnea?” Nu Samson ne cheke eghu, “Iara eni igne mala ke tughu fapulo unha teke eni mare ka iara na.”

Jajis 15:11 ပူးပေါင်းရင်းမြစ်များ

Jajis 14:4

Ka narane tuare, Filistia funei fruni ni Israel. Tutuani, unha te eni Samson igne naugna Lord magnahaghei te goigoni ni Filistia. Nu idogna nei kmagna teu mana igre theome laseni igne.

Jajis 13:1

Ke leghu naiknodi Israel igre ne edi unha te theome keli ka tathagna Lord. Aonu Lord ne snakredi mare mala au ke parigna nodi nolaghi vikegna Filistia nabagna phiatutu finogha.

Diutronomi 28:13

Lord ginauna togho ghami ghotilo mala au nolaghi ke klignadi keha kantri are, eghuteuna mana theome snakre ghami ghotilo te au ke paridi nodi nolaghi keha kantri are. Jame te thofno leghudi nei ghatho tahuni teu ghotilo vetula te tusu ari iara ka ghotilo gognaro igre na, mana ginauna togho ghami ghotilo mala au ghotilo ke klignadi keha kantri are, eghuteuna Lord na theome snakre ghami ghotilo te mala au ke paridi mare na.

Levitikas 26:25

Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.

Diutronomi 28:43

“Naikno phosa te au balumi ghotilo are ginauna nheta e nheta, nu ghotilo ginauna na nigra e nigra.

Jajis 15:10

Maedi Juda te au ka namono igne ne ghusna eghu ka mare, “Naugna unha si ghotilo te mei magri ghami ghehati gnea?” Eghuteuna maedi Filistia igre ne cheke eghu, “Ghehati mei mala lokini Samson mala ke tughu fapulo unha teke edi mana ka ghehati ra!”

Jajis 15:12

Nu mare ne cheke eghu ka mana, “Ghehati mei mala haru nigho iagho mala hata nigho iagho tei ka mare.” Aonu mae Samson ne cheke eghu ka mare, “Keli, nu ghotilo kulu eni kaisei nhaꞌa cheke ka iara, te mala thosei falehe ghau iara na.”

Ululahu Kronikols 4:3

Mae Hua gne neke kulu karha ka mae Kaleb ghe mae Efrat. Iheire teke karha mei ka vikegna mana igre teke fufunu gna namono Betlehem. Mae Hua gne neke au thilo thugna nalhaꞌu, mae Etam, mae Peniel, nei mae Esa. Mae Etam gne neke au thilo thugna nalhaꞌu. Nanghadi thilo mae igre neke mae Jesrel, mae Isma, nei mae Idbas. Mana jaola neke au kaisei thugna gaꞌase, nanghagna na Haselelponi. Mae Peniel gne mae teke fufunu gna namono Gedoa, eghuteuna mae Esa mae teke fufunu gna namono Husa.