Jajis 14:9 - Buka Blahi Ka Cheke Holo

⁹ Mana hata keha ghamu ne tei. Eghuteuna kate mei posa ka idogna kmagna gre ka nabrou na, mana ne tufa keha ka repa, nu mana ne theome toutonu ka repa aheva teke hata fajifla mana ka thinigna lion te lehe igne.

Jajis 14:9 ပူးပေါင်းရင်းမြစ်များ

Proveb 25:15

Te thoghei te famane cheke eghuteuna theome ghosei me diꞌatamu iagho teuna, iagho tangomana te figri nagnafagna mae biꞌo te tirogna fanomho ka nou cheke iagho na, neubane maku jateula thina neu.

Jajis 14:8

Ke leghu, Samson nei idogna kmagna gre eghu neke sukha Timna mala tolaghi Samson ka gaꞌase igne. Kate nolo te tei retilo na, mana tei ne filoni lion teke aknu falehe mana na. Eghuteuna mana ne jaglo nogna fara te filodi kmana jurukuli fodu lamna ka thinigna lion igne.

Jajis 14:10

Eghuteuna, kmagna mana na tei ne filoni gaꞌase igne. Aonu Samson ne eni kaisei gaghamu biꞌo leghuni nodi kastom mae majaghani nate tolaghi na.

Ululahu Samuel 10:16

Eghuteuna mae Sol ne cheke eghu, “Te chekeni mana ka ghepa na, mare kela filodihi dongki re.” Nu mae Sol neke theome chekeni ka mae nebugna na unha teke chekeni mae Profet Samuel nate king mana ginauna.

Ululahu Samuel 14:1

Ka narane tuana, King Sol tei ne horo haghe nogna suga tapuale na rhegna pesi gaju jare Migron, theome khaba kolho Gibea. Eghuteuna namno gobi soldia au balugna mana ka narane igne. Eghuteuna kaisei mae pris te au balugna mana na, nanghagna na mae Ahaeja, thugna mae Ahitub, thabusigna mae Ikabod. Kmadi mae Ahitub ghe mae Ikabod gre na, mae Finehas, thugna mae Eli, nogna pris Lord, mana neke au Saelo tifa. Pris Ahaeja ne hata balugna efod blahi na mala lasedi nogna cheke tughu Lord re. Kaisei narane, mae Jonatan ne cheke eghu ka mae soldia te mala pala nogna glepo mala magra mana re, mana ne cheke eghu, “Tapa ginauna tei filodi soldia di Filistia te fanagra ka nabrou te mala tei Mikmas ia.” Nu mae Jonatan neke theome facheke ka mae kmagna na, eghuteuna mae soldia re jaola theome laseni te tei mana na.

Proveb 24:13

Thuguo, jurukuli na famane gano. Famane mamahe fara.