Jajis 14:6 - Buka Blahi Ka Cheke Holo

⁶ Nu Tharunga gna Lord na ne soru mei ka mana ne farhetani fara mana, eghuteuna mana tei ne aknu falehe lion igne, eghuteuna mana ne kina sasakani thinigna lion igne ka khamegna na kolho. Mae Samson ne aknu falehe lion igne jateula mae Samson te aknu falehe sua nanigot ra eghu kolho. Nu mana theome chekeni glepo igne ka idogna ghe kmagna gre.

Jajis 14:6 ပူးပေါင်းရင်းမြစ်များ

Jajis 3:10

Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Ululahu Samuel 11:6

Eghuteuna kate nomhini mana igne, Tharunga gna God na ne mei faheta fara ka mana ne diꞌatagna fara.

Jajis 13:25

Eghuteuna kate au teu Samson Mahane-Dan, kaisei namono farihoteidi phei namono Sora ghe Estaol, Tharunga gna Lord na ne batuni Samson.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Profet Isaia 42:2

Mana ginauna na theome eha fabiꞌo leghu nabrou ke lamna namono.

Ululahu Samuel 17:46

Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.

Jajis 16:30

Mana eha fabiꞌo, “Snakre ghau iara mala lehe baludi naiknodi Filistia igre!” Ka na nhetagna fateote'o, mana ne huta tei phei khegra igre, eghuteuna Sugablahi na ne grofo ne soru ke klignadi mae funei nei naikno eghu teke au ke lamnagna. Ka narane te lehe Samson igne, mana ne falehe ke kmana naikno salaꞌudi teke aknu falehe mana kani teke karha teku na.

Jajis 15:15

Samson ne filoni kaisei nhubra gagama gna dongki teke lehe majaghani na, aonu mana hata haghe nhubra gagama igne ne aknu falehe kaisei thogha soldia gna Filistia.

Jajis 15:8

Aonu Samson magridi mare balu diꞌatagna fara ne ghilei aknu falehe kmana ka mare. Ke leghu, mana jifla ne tei poru ka gluma lamna thina jare namono Etan.

Jajis 11:29

Ka narane igne Tharunga gna Lord na mei ka Jefta ne tusu lao nolaghi ka mana. Aonu mana tei ka nogna glose Gilead nei ka nogna glose Manase ne kilo meidi mae te mala magra re. Eghuteuna mana neke pulo mei Mispa jare Gilead, eghuteuna funu jare mana ne batuni kaisei armi ne tei magra ka vikegna Amon.

Hibru 11:33

Hatimare neke fatutuani ni God. Naugna igne mare neke edi kmana nafnata glepo te biꞌo. Mare magra neke tapla sorudi kmana mae king nei kmana namono biꞌo. Mare neke funei ka puhi te doglo, nei hata unha glepo te keli teke nhaꞌa cheke ranghidi. Naugna igne mare ne fofotho foflodi lion nei falehedi khaꞌaghi te biꞌo fara, eghuteuna nodi naflahi mae te magnahaghei mei falehedi mare re theome thokedi mare. Neuba mare ne nigra, mare ginauna nake nheta. Eghuteuna mare heta fara ka magra ka hatimare mae thara te mei funudi ka namono delei nei tapla sorudi.

Jajis 14:5

Eghuteuna Samson nei idogna kmagna teu igre ne sukha Timna. Eghuteuna kate nolo te tei mana ka kaisei nagare grep rhegna namono Timna igne, mana ne nomhini kaisei lion ne nguru fabiꞌo ne jifla mei ka mana.

Jajis 14:7

Kate posa retilo Timna na, Samson ne cheke ka gaꞌase igne, eghuteuna mana thofno magnahagheni fara naꞌa.

Ululahu Samuel 10:6

Eghuteuna Tharunga gna Lord na ginauna mei sagheleghu nigho iagho, eghuteuna iagho ginauna jaola tei baludi mare mala ragi nei koje eghu mala kilo fnaknoni God.

Nodi Khoje Hatimare Mae Jiu 91:13

Iagho ginauna tapla ke klignadi lion, nei mogo te faghughumhu. Uve, neubane eghu ngau na theo kaisei glepo te diꞌa nate thoke nigho iagho na.

Jajis 14:19

Eghuteuna Tharunga gna Lord na ne mei farheta fara ka mana. Mana sukha ka namono Askelon. Eghuteuna ka namono igne, mana ne aknu falehe tolufulu mae ne hata nodi pohe mare re. Samson tei Timna ne tusu lao pohe igre ka mae iheire teke chekeni gaoghathogna grougromu igne. Mana thofno diꞌatagna fara eigna glepo igne, aonu mana neke pulo ka namonogna kmagna na.

Ululahu Samuel 10:16

Eghuteuna mae Sol ne cheke eghu, “Te chekeni mana ka ghepa na, mare kela filodihi dongki re.” Nu mae Sol neke theome chekeni ka mae nebugna na unha teke chekeni mae Profet Samuel nate king mana ginauna.

Ululahu Samuel 14:1

Ka narane tuana, King Sol tei ne horo haghe nogna suga tapuale na rhegna pesi gaju jare Migron, theome khaba kolho Gibea. Eghuteuna namno gobi soldia au balugna mana ka narane igne. Eghuteuna kaisei mae pris te au balugna mana na, nanghagna na mae Ahaeja, thugna mae Ahitub, thabusigna mae Ikabod. Kmadi mae Ahitub ghe mae Ikabod gre na, mae Finehas, thugna mae Eli, nogna pris Lord, mana neke au Saelo tifa. Pris Ahaeja ne hata balugna efod blahi na mala lasedi nogna cheke tughu Lord re. Kaisei narane, mae Jonatan ne cheke eghu ka mae soldia te mala pala nogna glepo mala magra mana re, mana ne cheke eghu, “Tapa ginauna tei filodi soldia di Filistia te fanagra ka nabrou te mala tei Mikmas ia.” Nu mae Jonatan neke theome facheke ka mae kmagna na, eghuteuna mae soldia re jaola theome laseni te tei mana na.