Jajis 14:3 - Buka Blahi Ka Cheke Holo

³ Nu repa ne cheke eghu ka mana, “Tahati au kmana gaꞌase ka vikeda tahati igre, nei ka keha naiknodi Israel aheva iagho tangomana te tolaghi na. Naugna unha sagho te magnahaghei tei hata khetomu Filistia ka naikno bongihehe igrea?” Samson ne cheke eghu ka mae kmagna na, “Ghopa tei atha mei gaꞌase ia naugna iara magnahagheini fara naꞌa.”

Jajis 14:3 ပူးပေါင်းရင်းမြစ်များ

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Jajis 15:18

Samson roi koꞌu, eghuteuna mana ne tanhi eghu ka Lord, “Lord, God! Iagho togho ghau iara neke uludi soldia di Filistia, ba iagho magnahaghei ghau iara te lehe ka khamedi naikno bongihehedi Filistia igre?”

Fapea Samuel 1:20

“Thosei toutonu ka namono Gat! Thosei eha leghu nabrou ka namono Askelon! Te eghu ghotilo na, goro gaꞌasedi Filistia are ginauna keli tadi fara. Uve, thudi gaꞌase mae bongihehe di Filistia igre ginauna gleale'a.

Ululahu Samuel 31:4

Aonu mae Sol ne cheke eghu ka mae majaghani te pala nogna glepo mala magra mana re, “Iagho atha nou naflahi mala magra na mala aknu falehe ghaula iara. Theome keli te au teu iara agne te mei mae bongihehedi Filistia igre te mei maꞌe ghau nei falehe ghau teu iara na.” Nu mae majaghani igne ne thono mhaghu nogna fara, ne theome leghuni unha te chekeni mana na. Aonu mae Sol ne korho fajifla nogna naflahi mala magra thegna na ne uka soru ke kligna gna ne lehe.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Jenesis 34:14

Hatimare mae thabusigna igre ne cheke eghu ka phia mare, “Ghehati theome magnahaghei te snakreni gregami na te mala tolaghi ka mae ihei te theome vahe na. Jame te snakreni ghehati gregami na te tolaghi ka mana na, ghehati ginauna na mamaja nomi fara.

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Jenesis 21:27

Aonu mae Ebraham ne hata keha sipu nei buluka eghu ne tusu lao ka mae Abimelek, aonu phiamare ne eni kaisei nhaꞌa cheke.

Jajis 14:2

Kate pulo ka namono na, mana ne cheke eghu ka kmagna ghe idogna, “Iara magnahaghei ghami ghopa te tei toreni kaisei gaꞌasegna Filistia te au ka namono Timna teke filoni iara na, naugna iara magnahaghei te tolaghi ka naꞌa.”

Josua 23:12

“Ghotilo laseni igne, jame te figri tagruni nei theome leghuni teu ghotilo Lord te loku fodu baludi naikno bongihehe are ba tolaghi ka thudi gaꞌase mare re, ba snakredi mare mala tolaghi ka thumi gaꞌase ghotilo re, Lord ginauna tirogna togho ghami ghotilo. Eghuteuna jame te fofodu ghotilo ka naikno bongihehe are nei tei magra baludi mare teuna, Lord ginauna tirogna ngolhi fajifladi naikno bongihehe te au ka nomi namono ghotilo are. Jame te loku fodu ghotilo ka puhidi mare te thono diꞌa fara are na, mare ginauna na jateula kaisei phighoro eghu mala fakhale ghami ghotilo. Eghuteuna ghotilo ginauna na jateula te snoꞌo ke lamnagna kaisei khora ra eghu. Eghume puhidi mare te diꞌa tuare ginauna para ghami ghotilo jateula te puphuri naikno ka thagrumi ghotilo ra eghu, ba jateula nila te churu ka tathami ghotilo ra eghu. Eghuteuna ginauna na theo kaisei naikno ka ghotilo nate au ka namono teke tusu arihi mana ka ghotilo igne.