Jajis 14:2 - Buka Blahi Ka Cheke Holo

² Kate pulo ka namono na, mana ne cheke eghu ka kmagna ghe idogna, “Iara magnahaghei ghami ghopa te tei toreni kaisei gaꞌasegna Filistia te au ka namono Timna teke filoni iara na, naugna iara magnahaghei te tolaghi ka naꞌa.”

Jajis 14:2 ပူးပေါင်းရင်းမြစ်များ

Jenesis 34:4

Aonu mae Sekem ne cheke eghu ka mae kmagna na, “Mama, iara magnahaghei nigho iagho te hata gaꞌase igne mala khetogu iara.”

Jenesis 21:21

Kate au teu mana ka namono nagou Paran gne, idogna mana na ne tei hata kaisei khetogna mana ka namono Ijep.

Fapea Kings 14:9

Nu King Jehoas ne cheke eghu ka mana, “Kaisei fata, kaisei phono gna Lebanon ne fatei cheke ka kaisei gaju biꞌo gna Lebanon, ne cheke eghu, ‘Iagho snakreni thumu gaꞌase na mala tolaghi ka mae thugu nalhaꞌu iara gne.’ Nu kaisei bosu mhata gna Lebanon khale ka gnarho igne ne klopa.”

Jenesis 38:6

Ka vido tela biꞌohi mae thugna nalhaꞌu re, mae Juda ne vavahi kaisei gaꞌase mala khetogna mae Er, mae thugna ulu lahu na. Nanghagna gaꞌase teke vavahi mana igne Tama.

Jajis 14:1

Kaisei narane, Samson ne soru ka namono Timna, eghuteuna mana ne filoni kaisei gaꞌasegna Filistia.

Jajis 14:3

Nu repa ne cheke eghu ka mana, “Tahati au kmana gaꞌase ka vikeda tahati igre, nei ka keha naiknodi Israel aheva iagho tangomana te tolaghi na. Naugna unha sagho te magnahaghei tei hata khetomu Filistia ka naikno bongihehe igrea?” Samson ne cheke eghu ka mae kmagna na, “Ghopa tei atha mei gaꞌase ia naugna iara magnahagheini fara naꞌa.”

Profet Jeremaea 29:6

Ghotilo mae nalhaꞌu ra tolaghi mala au kmana thumi nalhaꞌu nei gaꞌase eghu. Te keli na ghotilo mala kmana nei vuragha eghu jare Babilonia.