Jajis 14:17 - Buka Blahi Ka Cheke Holo

¹⁷ Aonu gaꞌase igne ne tanhi fabrahu ka mana ne ghilei thokeni fafitugna narane gaghamu igne. Eghuteuna naugna te tanhi fabrahu fara naꞌa igne, eghuteuna naꞌa toreni mana fabrahu kmana fata teu igne, ka fafitu narane na Samson ne cheke thakleni gaoghathogna grougromu igne ka naꞌa. Eghuteuna naꞌa tei ne cheke ka kheragna re.

Jajis 14:17 ပူးပေါင်းရင်းမြစ်များ

Jajis 16:16

Leuleghu narane kolho naꞌa te ghusnani mana eigna nogna narheta mana na ghilei namo lehe mae Samson.

Luku 11:8

Te chekeni iara ka ghotilo na, mana jame theome magnahaghei kegra te tusu ari gano ka iagho na, neubane mae kheragna thofno iagho. Nu mana ginauna na tangomana te kegra haghe te tusu ari unha te magnahagheni iagho na, naugna iagho ne theome mamaja te tore fabrahu na. Eghuteuna heta gheu iagho te theome khusu thore na.

Proveb 7:21

Aonu nogna cheke famaemahe gaꞌase na igre ne figrini gaoghathogna mae majaghani igne.

Thoutonu Eigna Mae Job 2:9

Khetogna na ne cheke eghu ka mana, “Ba, iagho leghuniu kolho puhi te doglo na? Jame te keli na iagho cheke fadiꞌani God mala lehe nou!”

Jajis 16:13

Aonu Delila ne cheke eghu, “Iagho thofno chaghi ghau iara, eghuteuna iagho filo ghau iara na jateula kaisei naikno fameomekro eghu kolho. Glepo te chekedi iagho igre theome tutuani! Uve, jame kaisei mae magnahaghei haru nigho iagho, unha nate eni mana na?” Eghuteuna Samson ne cheke eghu, “Iagho laseni iara au fitu glopo khaklagu te brahu, eghuteuna jame hata iagho igre te haru ka pohe te edi iagho igre, eghuteuna iagho famamhaku ka gajugna masin te ei pohe igne teuna, iara ginauna glaꞌe kolho jateula keha mae are eghu.”

Jajis 16:6

Aonu Delila tei ka Samson ne cheke eghu, “Samson, ne unha site rheta fara iagho gnea? Faꞌunha eghu ame tangomana nga iagho te glaꞌe te mala haru nigho na?”

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Jajis 14:16

Aonu naꞌa mei ne filoni Samson, eghuteuna naꞌa tanhi ne cheke eghu, “Iagho theome namha ghau iara kolho! Jame namha ghau iara na, iagho jame cheke thakleni gaoghathogna grougromu igne ka kheragu iara igre!” Nu Samson ne cheke eghu ka naꞌa, “Sei, iara jaola theome chekeni gaoghathogna grougromu igne ka idogu kmagu re! Eghume faꞌunha eghu iara chekeni ka iagho?”

Jajis 14:18

Ka narane tuana, ame plulu nga naprai na teuna, maedi Filistia igre mei ne cheke eghu ka mana, “Unha gne te mamahe salaꞌuni jurukuli na? Eghuteuna unha gne te rheta salaꞌuni lion na?” Samson ne cheke eghu ka mare, “Ghotilo neke huhuruni khetogu iara na mala cheke thakleni gaoghathogna grougromu igne, jateula mae te huhuruni gaꞌase na mala loku ka nogna nagare na ia eghu. Jame theome chekeni naꞌa ka ghotilo meuna, ghotilo jame theome laseni nogu grougromu iara igne!”

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.