Jajis 14:14 - Buka Blahi Ka Cheke Holo

¹⁴ Aonu mana ne cheke eghu, “Gano na jifla mei funu ka glepo te tangomana te ghamu na. Glepo te mamahe na jifla mei ka glepo te rheta na.” Thilo narane salaꞌu, nu mare theome tangomana te cheke thakleni gaoghathogna grougromu igne.

Jajis 14:14 ပူးပေါင်းရင်းမြစ်များ

Ululahu Kings 17:6

Mana ne koꞌu jare ka khoꞌu ikoi igne, eghuteuna fei hamerane nei fei grafi teuna nanghaji te pala te mei bret nei nafnahi teu koba ka mana na.

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Mae Khuru 8:31

Mae biꞌo na ne cheke eghu, “Thono theo fara. Faꞌunha me laseni iara eghu te theo kaisei mae te mala farirhiu ghau na?” Mana ne toreni mae Filip mala apla haghe ka chariot na mala gnokro rhegnai.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Proveb 24:7

Naikno te fameomekro na theome tangomana te laseni gaoghatho te keli nei glalase teuna. Mana theome tangomana te cheke fakeli ka nodi faidu mae biꞌore.

Fapea Kronikols 20:25

Aonu, King Jehosafat baludi nogna soldia manare tei ne hata nodi gobigna lepo mae te lehe igre. Mare hata kmana buluka, kmana glepo mala magra, kmana pohe, nei keha famane glepo. Mare pulei glepo ka vido igne nabagna thilo narane. Mare theome tangomana te hata fateo gobigna lepore, naugna kmana fara.

Fapea Kronikols 20:2

Eghuteuna keha mae mei ne cheke eghu ka Jehosafat, “Kmana soldia mei funudi ke maghati Thongna Lehe mala magra ka iagho. Mare la mei posahi ka namono Hasason-Tama.” Hasason-Tama igne fapea nanghagna namono En-Gedi.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Jajis 14:13

Nu jame te theome chekeni ghotilo gaoghathogna na te ghilei posa ka fafitu naranegna gaghamu igne, ghotilo ginauna tusu mei ka iara glepo igre.” Mare ne cheke eghu ka mana, “Uve, iagho cheke mei mala nomhini ghehati nou grougromu iagho na.”

Jajis 14:15

Aonu ka fafati narane na, mare mei ne cheke eghu ka khetogna mana na, “Ei, iagho chaghini mae igne, mala cheke thakleni mana gaoghathogna grougromu igne ka ghehati. Na eghu nu gnubra nigho ghehati ke lamnagna nou suga na eghu, baludi iheire te gnafa ka tharaknagna kmamu iagho na. Iagho jau kilo mei ghami ghehati ka gaghamu igne mala hata nomi glepo ghehati re neku signe!”