Jajis 13:6 - Buka Blahi Ka Cheke Holo

⁶ Gaꞌase igne tei ne cheke eghu ka mae Manoa, “Kaisei profet jateula kaisei engel nogna God eghu filogna na ne mei ka iara. Iara ne thono mhaghu nogu fara. Iara theome ghusnani neke mei funugna ka namono aheva, eghuteuna mana theome chekeni nanghagna na ka iara.

Jajis 13:6 ပူးပေါင်းရင်းမြစ်များ

Ululahu Samuel 9:6

Nu mae gloku igne ne cheke eghu, “Ginau sagho! Kaisei mae nogna profet God na au ka namono igne. Naiknore ghatho tahuni fara mana naugna gobigna lepo te chekedi mana re thofno tutuani fara. Jame te keli na tapa na tei filoni mana. Glahu tangomana mana te chekeni ka vido aheva te au teu dongki igre.”

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Mae Khuru 6:15

Mae te gnafa te gnokro ke lamnagna u faidu igne, mare ne filo tutu ka mae Stivin. Eghuteuna kate filo mare ka tathagna nei foflogna teu mae Stivin re, mana ne siasigla jateula tathagna nei foflogna eghu kaisei engel.

Luku 9:29

Kate tarai teu mana na, thinigna mae Jisas na ne nhogri eghuteuna nogna pohere ne vegha fara.

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Profet Daniel 10:11

Aonu mae igne ne cheke eghu ka iara, “Daniel, God na namha nigho iagho fara. Iagho kegra haghe mala fanomho fakeli ka cheke nate chekeni iara ka iagho igne. God neke kuru mei ghau iara mala filo nigho iagho.” Kate cheke eghu mana igne, iara ne kegra haghe, nu thinigu iara na ne ngegra ne fififri tongana.

Profet Daniel 10:5

Iara filo tei ne filoni kaisei mae te pipichi ka famane pohe te vegha fara, eghuteuna nogna nhugha na mare hohoro ka famane gol.

Profet Daniel 8:17

Aonu, mae Gabriel ne mei kegra rhegu iara. Kate filoni mana na, iara ne khoko soru pari, naugna iara ne mhaghu nogu fara. Mana ne cheke eghu ka iara, “Iagho maemu ka nauthoglu igne. Iagho mala laseni gaoghathogna mifi igne. Mifi te filoni iagho igne thotoghale eigna narane leghu lahu na.”

Fapea Kings 4:9

Kaisei fata naikno biꞌo igne ne cheke eghu ka khetogna na, “Iara thofno laseni, mae te mei ghamu koba baluda tapa igne kaisei mae blahi nogna God.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Fapea Kings 4:16

Eghuteuna mae Elisa ne cheke eghu ka naꞌa, “Jateula gognarogne teu ka finogha te mei gne, iagho ginauna au kaisei thumu nalhaꞌu.” Nu naikno biꞌo igne ne cheke eghu, “Mae biꞌo! Iagho mae nogna mae gloku God, thosei chaghi ghau iara!”

Ululahu Kings 17:24

Aonu naikno biꞌo igne ne cheke eghu ka mae Elija, “Tutuani fara, iara gognaro na lase nigho iagho kaisei nogna mae gloku God. Eghuteuna unha te chekeni iagho na thofno mei funugna ka Lord!”

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Ululahu Samuel 2:27

Kaisei mae profet mei ka mae Eli ne cheke eghu, “Igne unha te chekeni Lord na: Kani teke sneka kuꞌemu iagho Ijep tifa ra, iara neke falase ghau thegu ka kuꞌemu iagho mae Eron.

Jajis 13:22

Manoa mhaghu nogna fara ne cheke eghu ka khetogna na, “Tapa ginauna lehe, naugna tapa la filoni God!”

Jajis 13:8

Aonu Manoa ne tarai ka Lord, “Lord, kuru meini mae ihei teke kuru mei iagho ia mala ke pulo mei ka ghepa. Snakreni mana mala ke mei toutonu ka ghepa gobigna lepo te mala edi ghepa kate karhagna sua igne.”

Josua 14:6

Keha maedi Juda ne tei Gilgal ka mae Josua. Eghuteuna mae Kaleb thugna mae Jefune igne, mana kaisei mae ka vikegna mae Kenas. Mana ne cheke eghu ka mae Josua, “Kani au teku tahati ka namono Kades Banea, Lord neke cheke ka mae Moses nogna mae gloku na eidi unha teke magnahaghedi mana ka tapa ra. Iagho jame ghathoniu igne.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Eksodas 3:2

Jare engel nogna Lord na ne thakle mei ke lamnagna khaꞌaghi te deudeplu teu ka kaisei gaju ikoi. Eghuteuna Moses ne jaglo nogna fara te filoni khaꞌaghi te deudeplu ka gaju igne, nu theome gnhubra kolho khaklagna re teu igne.

Jenesis 32:29

Aonu mae Jekop ne cheke eghu ka mana, “Chekeni sagho nanghamu na ka iara.” Nu mana ne cheke eghu, “Iagho theome naba te ghusnani nanghagu iara na.” Ke leghugna igne mana ne fablahini mae Jekop. Mana jifla jare ne tei kokoni mae Jekop.

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Jajis 6:11

Kaisei narane, kaisei engel funugna Lord mei ne gnokro ke parigna kaisei gaju biꞌo ka vido te kiloni mare Ofra. Mae Joas gne maegna ka vido igne eghuteuna mana vikegna mae Abiesa eghuteuna mana reireghini gaju igne. Eghuteuna Gidion thugna mae Joas igne, mana fagagae khunedi sisi flaoa mala ghamu, nu mana edi poru ke lamnagna vido mala eni waen na. Mana eni igne mala theome tangomana maedi Midian igre te mei blau gano igre.

Jajis 13:3

Kaisei narane, engel nogna Lord na ne thakle ka khetogna Manoa na ne cheke eghu ka naꞌa, “Iara lase nigho iagho te theome au sua na, nu neuba, iagho ginauna bukla na au kaisei thumu nalhaꞌu.

Jajis 13:7

Nu mana ne cheke eghu ka iara, ‘Iagho ginauna bukla eghuteuna iagho ginauna au kaisei thumu nalhaꞌu. Iagho thosei koꞌu waen ba beer ba ghamu kaisei gano te lhotini ka nogna Vetula God na. Naugna thuda tapa na ginauna nogna God fabrahu jateula kaisei Nasaraet eghu funu ka narane karhagna na ghilei thokeni narane glehegna na.’ ”

Jajis 13:10

Aonu naꞌa ghosei chari ne tei ne cheke eghu ka khetogna na, “Mae ihei teke mei ka iara ka keha narane ia, mana kela mei!”