Jajis 13:18 - Buka Blahi Ka Cheke Holo

¹⁸ Nu engel nogna Lord na ne cheke eghu, “Naugna unha si ghopa te magnahaghei laseni nanghagu iara gnea? Nanghagu iara na haghe fara te mala laseni ghopa na.”

Jajis 13:18 ပူးပေါင်းရင်းမြစ်များ

Jenesis 32:29

Aonu mae Jekop ne cheke eghu ka mana, “Chekeni sagho nanghamu na ka iara.” Nu mana ne cheke eghu, “Iagho theome naba te ghusnani nanghagu iara na.” Ke leghugna igne mana ne fablahini mae Jekop. Mana jifla jare ne tei kokoni mae Jekop.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Jajis 13:6

Gaꞌase igne tei ne cheke eghu ka mae Manoa, “Kaisei profet jateula kaisei engel nogna God eghu filogna na ne mei ka iara. Iara ne thono mhaghu nogu fara. Iara theome ghusnani neke mei funugna ka namono aheva, eghuteuna mana theome chekeni nanghagna na ka iara.

Jenesis 32:30

Mae Jekop ne cheke eghu, “Iara la filonihi tathagna nei foflogna teu God na, eghuteuna iara gne na theome lehe eghu.” Aonu mae Jekop ne kiloni vido igne Peniel.

Eksodas 23:21

Ghotilo famane fanomho fakeli nei leghudi eghu unha te chekedi mana re. Te theome leghudi ghotilo unha te chekedi mana re, mana ginau na thono diꞌatagna fara ka ghotilo, naugna iara la tusu laohi ka mana nogu nolaghi na.

Nehemaea 9:5

Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.

Profet Isaia 9:5

Uve, ghehati thofno glealeꞌa fara, naugna nodi buti mala fahaghe mae soldia ka magra balu nodi pohe te fodu ka dadara are, ginauna thofno knoro ka khaꞌaghi jateula naknoro eghu.