Jajis 13:1 - Buka Blahi Ka Cheke Holo

¹ Ke leghu naiknodi Israel igre ne edi unha te theome keli ka tathagna Lord. Aonu Lord ne snakredi mare mala au ke parigna nodi nolaghi vikegna Filistia nabagna phiatutu finogha.

Jajis 13:1 ပူးပေါင်းရင်းမြစ်များ

Ululahu Samuel 12:9

“Nu neuba ngau, mare neke theome ghathoni nodi Lord God na. Aonu mana neke snakreni king gna Moab balu nogna armi na mala magra nei uludi eghu mare. Ke leghu na, mana neke snakreni Sisera balu armi gna Haso na mala mei magra ka mare. Eghuteuna ke leghu na, mana neke snakreni armi gna Filistia na mala uludi mare.

Jajis 6:1

Naiknodi Israel igre neke huhughuni Lord, aonu Lord snakredi naiknodi Midian neke funei frunidi nabagna fitu finogha.

Letas Teke Riso Tei Mae Pol Ka Khiloau Rom 2:6

Naugna God ginauna kafe tabadi ba fatedi eghu naiknore ka unha teke edihi mare re.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Jajis 2:11

Ka narane tuare, naiknodi Israel igre ne funu edi puhi te diꞌa ka tathagna Lord nei tarai ka god chaghi Baal.

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Jajis 4:1

Ke leghugna tela lehehi Ehud igne, naiknodi Israel igre neke edi kmana puhi te diꞌa ka tathagna Lord.

Profet Jeremaea 13:23

Ba, mae te pipito na tangomana teke tughu thinigna na teke vegha na? Ba, phusi mata na tangomana teke tughu thinigna te thuthunu na? Thono theo fara. Ghotilo jateula tuana eghu theome tangomana te koko puhimi te diꞌare mala teke eni puhi te keli na.

Hibru 11:32

Eghume, na jare ghu gnafa iara. Iara theo nogu narane te mala tonudi ka ghotilo eigna mae Gidion, mae Barak, mae Samson, mae Jefta, mae Devet, mae Samuel nei hatimare mae profet.

Jajis 12:15

eghuteuna mana lehe, eghuteuna mare ne giugiluini mana namono Piraton, ka thogele ka nogna nohi Efrem tifa na neke nodi vikegna Amalek.

Jajis 15:11

Aonu thilo thogha soldia di Juda tei ka gluma Etam ne cheke faheta eghu ka Samson, “Theome lasedi sagho maedi Filistia te funei fruni ghita tahati grea? Unha sagho te eni ka ghehati gnea?” Nu Samson ne cheke eghu, “Iara eni igne mala ke tughu fapulo unha teke eni mare ka iara na.”

Jajis 15:20

Samson batudi naiknodi Israel nabagna varadaki finogha, nu maedi Filistia funei fruni ni Israel.

Ululahu Samuel 4:9

Tahati mala kegra heta! Jame te theo na, tahati ginauna mala nodi naikno sneka mae Hibru kolho, jateula mare teke noda naikno sneka tahati tifa ra eghu. Uve, tahati nalhaꞌu sia! Gognarona tahati mala magra heta!”

Ululahu Samuel 7:13

Aonu Lord ne toghodi soldia di Israel ne tapla faparini armigna Filistia, eghuteuna armi gna Filistia igne neke theome pulo mei magra ke lamnagna kantri Israel ka narane te kegra funei mae Samuel igre.

Jajis 10:7

Aonu Lord ne diꞌatagna fara ka naiknodi Israel ne lisa lao ka vikegna Filistia ke mosu nei vikegna Amon ke maghati mala mei magra ka mare.

Jajis 14:4

Ka narane tuare, Filistia funei fruni ni Israel. Tutuani, unha te eni Samson igne naugna Lord magnahaghei te goigoni ni Filistia. Nu idogna nei kmagna teu mana igre theome laseni igne.