Jajis 12:4 - Buka Blahi Ka Cheke Holo

⁴ Aonu Jefta ne kilo fodudi nogna armigna Gilead ne magra ka vikegna Efrem ne falehedi mare. Mana ne eni igne naugna vikegna Efrem igne ne cheke fapari eghudi mare, “Ghotilo vikegna Gilead igre tharuma'ei fara te mei au ka nodi namono Efrem ghe Manase!”

Jajis 12:4 ပူးပေါင်းရင်းမြစ်များ

Ululahu Samuel 25:10

Nu mae Nabal ne cheke eghu ka mare, “Mae ihei si mae Devet gnea? Mae ihei si thugna Jesi gnea? Ginei na namono igne neke fodu ka naikno sneka. Kmana rikhani nodi funei na!

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Proveb 12:13

Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Nodi Khoje Hatimare Mae Jiu 78:9

Hatimare mae soldia ka vikegna mae Efrem, mare neke kulu kaikaliti hi nodi phaloho te mala magra re, nu ka narane te mala magra na, mare neke rikha kolho.

Nehemaea 4:4

Aonu iara ne tarai eghu, “God, fanomho mei ka nogu tharai iara gne. Mae igre thofno filo fapari ghami ghehati. Iagho figri cheke te diꞌa te edi mae Sanbalat ghe mae Tobaea igre mala ke soru ke klignadi thedi. Te keli na iagho snakredi mae naokare mala mei mare khi fajifladi ka nodi namonore mala tei au mare ka keha kantri delei.

Jajis 11:10

Eghuteuna goro mae biꞌo igre ne cheke eghu, “Uve, ghehati te gnafa na kaisei gaoghatho ngala. Eghuteuna Lord la nomhidihi noda nhaꞌa cheke tahati igre.”

Jajis 12:3

Eghume kate laseni iara te theome mei ghotilo te togho ghami ghehati na, neuba iara ne mhaghu, iara hata nogu soldia re neke tei magra ka mare. Eghuteuna Lord togho ghami ghehati neke uludi mare. Eghume naugna unha si ghotilo te magnahaghei mei magri ghami ghehati gognarognea?”

Jajis 12:5

Armigna Gilead igne jaola ne lilisei mae mala reireghi ka vido te gnafa aheva soldiadi Efrem tangomana te tei kasa ka Khoꞌu biꞌo Jordan teke pulo ka nodi namono re. Kate filoni kaisei mae ka vikegna Efrem mei te tore mala kasa ka khoꞌu na teuna, mae greireghi igre ginauna ghusna eghu, “Iagho vikegna Efrem?” Eghuteuna jame te cheke eghu mana na, “Theo,”

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”