Jajis 11:40 - Buka Blahi Ka Cheke Holo

⁴⁰ Naugna igne leuleghu finogha na gaꞌasedi Israel igre jifla tei tanhi nabagna fati narane ke ghatho fapuloni thugna gaꞌase Jefta maegna Gilead.

Jajis 11:40 ပူးပေါင်းရင်းမြစ်များ

Ululahu Kings 9:25

Thilo fata leuleghu finogha, King Solomon fafara ka Lord ka olta teke eni mana na. Fafara te eni mana igne thofno knoro fara, mana eni fafara igne mala laseni naiknore te au fakeli mana balugna Lord. Eghuteuna mana jaola gahu insens ranghini Lord. Ka nafnata puhi igne, mana edi gobigna lepo igre kate tarai ka nogna Sugablahi Lord teke horo mana na.

Jajis 5:11

Ghotilo fanomho! Naikno te khapru ka Seu igne te koje eigna Lord te uluni magra igne. Uve, te chekeni mare na tahati naiknoda Israel la uluni magra na. Aonu, nogna naikno Lord igre jifla mala magra.

Jajis 11:39

Ke leghugna te gnafa phei nhigra igre, naꞌa neke pulo ka kmagna na. Mana ne eni unha teke nhaꞌa chekeni ka Lord. Aonu gaꞌase igne ne theome tolaghi nei au thugna neu ne ghilei lehe.

Jajis 12:1

Eghuteuna armigna Efrem igne loku fodu ne tei kasa ka Khoꞌu biꞌo Jordan ne tei thafoni Jefta ka namono Safon. Aonu mare ne cheke eghu ka mana, “Naugna unha si ghotilo te theome mei kilo ghami ghehati te mala tei balumi ghotilo kate tei magra ghotilo ka vikegna Amon ia? Puhi igne theome keli. Eghume, ghehati ginauna gnubra nigho iagho balugna nou suga iagho na.”

Fapea Kronikols 35:25

Ka narane tuare, Profet Jeremaea neke edi keha khoje diꞌanagnafa kate lehe Josia na. Funu ka narane tuare, naiknore koje khoje igne kate diꞌanagnafa mare ka Josia na. Eghuteuna khoje igne jateula nodi kastom khoje eghu naiknodi Israel. Mare neke rioriso soru ka nodi Buka re khoje mala diꞌanagnafa igre.

Nogna Buka Esta 9:27

Mare ne lilisei vetula igne maladi mae Jiu nei iheire nate karha mei thogheiro, ba iheire te magnahaghei leghuni puhidi mae Jiu. Mare ne ghatho tahudi phei narane igre leuleghu finogha leghuni unha te chekeni mae Modikae ka letas na igne.