Jajis 11:32 - Buka Blahi Ka Cheke Holo

³² Aonu Jefta batuni nogna armi na ne tei ka vikegna Amon mala magradi mare. Eghuteuna Lord toghoni Jefta ne uluni mare magra igne.

Jajis 11:32 ပူးပေါင်းရင်းမြစ်များ

Jajis 3:10

Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Jajis 1:4

Lord toghodi phei vike igre ne uludi naiknodi Kenan nei naiknodi Peris. Uve, ka narane tuana mare ne aknu falehe nabotho thogha mae ka namono Besek.

Jajis 11:31

eghuteuna kate pulo mei iara na, iara baubahu mala tusu ari ka iagho ihei te kulu jifla mei te thafo ghau iara na. Iara ginauna gahu jateula fafara eghu ka iagho.”

Jajis 11:33

Mana ne fufunu namono Aroa eghuteuna mana falehedi mare ne ghilei tei posa ka rijon te au namono Minit, eghuteuna mana ne goigonidi nabotho phei nodi namono mare ne ghilei tei posani namono Abel-Keramim. Ka narane tuana, Jefta ne aknu falehe kmana naiknodi Amon. Ka puhi igne naiknodi Israel igre te uluni vikegna Amon.

Jajis 2:16

Aonu, Lord ne vavahi keha mae lida mala fakarhidi naiknodi Israel igre ka khamedi nodi naoka mare igre.