Jajis 11:31 - Buka Blahi Ka Cheke Holo

³¹ eghuteuna kate pulo mei iara na, iara baubahu mala tusu ari ka iagho ihei te kulu jifla mei te thafo ghau iara na. Iara ginauna gahu jateula fafara eghu ka iagho.”

Jajis 11:31 ပူးပေါင်းရင်းမြစ်များ

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.

Ululahu Samuel 14:44

Aonu king ne cheke eghu ka mana, “Tuani Jonatan, iagho mala lehe! Jame te theome lehe iagho na, iara toreni Lord mala falehe ghau iara!”

Ululahu Samuel 14:24

Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Ululahu Samuel 1:28

Eghume, iara ginauna lisa lao sua igne ka khame gna Lord. Ka nakarhagna fateote'o na, mana ginauna mala nogna Lord fabrahu.” Eghuteuna mare ne pogho soru ne kilo fnaknoni Lord Saelo.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Diutronomi 23:18

Thosei hata mei kaisei sileni jateula fafara teke nhaꞌa chekeni ka Lord nomi God na eghu, glahu neke hata mana sileni igne ka nogna gloku vine nalhaꞌu ba gaꞌase. Lord thofno tirognadi fara phei nafnata vinegna vido blahi na.

Jenesis 28:21

nei ke hata fafigri ghau iara ka pharikeli ka sugagna mae kmagu na teuna, iara ginauna na pogho soru nigho iagho fabrahu.

Jajis 11:30

Mana ne eni kaisei nhaꞌa cheke ka Lord. Mana ne cheke eghu, “Jame snakreni iagho te uluni iara nogna armi mae Amon na,

Jajis 11:32

Aonu Jefta batuni nogna armi na ne tei ka vikegna Amon mala magradi mare. Eghuteuna Lord toghoni Jefta ne uluni mare magra igne.