Jajis 11:30 - Buka Blahi Ka Cheke Holo

³⁰ Mana ne eni kaisei nhaꞌa cheke ka Lord. Mana ne cheke eghu, “Jame snakreni iagho te uluni iara nogna armi mae Amon na,

Jajis 11:30 ပူးပေါင်းရင်းမြစ်များ

Jenesis 28:20

Eghuteuna mae Jekop ne nhaꞌa cheke eghu ka God, “Jame te au iagho balugu iara, nei reireghi ghau iara teu ka nabrou te brahu te magnahaghei tei iara igne, iagho tusu ranghi ghau iara gano nei pohe,

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Naba 21:2

Aonu naiknodi Israel re ne eni kaisei nhaꞌa cheke ka Lord, ne cheke eghu, “Jame snakre mei iagho naikno igre ka khamemi ghehati meuna, ghehati ginauna goigonidi namono te gnafa mare re.”

Jajis 11:29

Ka narane igne Tharunga gna Lord na mei ka Jefta ne tusu lao nolaghi ka mana. Aonu mana tei ka nogna glose Gilead nei ka nogna glose Manase ne kilo meidi mae te mala magra re. Eghuteuna mana neke pulo mei Mispa jare Gilead, eghuteuna funu jare mana ne batuni kaisei armi ne tei magra ka vikegna Amon.

Jajis 11:31

eghuteuna kate pulo mei iara na, iara baubahu mala tusu ari ka iagho ihei te kulu jifla mei te thafo ghau iara na. Iara ginauna gahu jateula fafara eghu ka iagho.”