Jajis 11:29 - Buka Blahi Ka Cheke Holo

²⁹ Ka narane igne Tharunga gna Lord na mei ka Jefta ne tusu lao nolaghi ka mana. Aonu mana tei ka nogna glose Gilead nei ka nogna glose Manase ne kilo meidi mae te mala magra re. Eghuteuna mana neke pulo mei Mispa jare Gilead, eghuteuna funu jare mana ne batuni kaisei armi ne tei magra ka vikegna Amon.

Jajis 11:29 ပူးပေါင်းရင်းမြစ်များ

Naba 11:25

Aonu Lord ne soru mei ka kaisei gromno ne cheke balugna Moses. Lord ne atha keha nolaghi gna nogna Tharunga te Blahi teke tufa ka mae Moses re, ne tufa lao ka fitusalei mae lida re. Kate mei Tharunga te Blahi na te au ka mare na, mare ne cheke jateula mae profet neu, nu kaisei fata kolho eghu.

Jajis 3:10

Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Ululahu Kronikols 12:18

Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo, “Devet, thugna mae Jesi! Ghehati nou iagho gognaro na! Iagho ginauna tangomana nate uludi magra re. Iara toreni God mala tusu ranghi nigho iagho nei iheire te au balumu nogna nolaghi nei pharikeli.” Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.

Ululahu Samuel 10:10

Kate posa Gibea mae Sol ghe nogna mae gloku na, kaisei tothoghei profet ne mei thafoni mae Sol. Aonu Tharunga gna God na ne mei ka mae Sol, eghuteuna mae Sol ne tei baludi mae profet igre, mare ne ragi balu koje mala kilo fnaknoni God.

Jajis 13:25

Eghuteuna kate au teu Samson Mahane-Dan, kaisei namono farihoteidi phei namono Sora ghe Estaol, Tharunga gna Lord na ne batuni Samson.

Jajis 10:17

Ka narane tuare armigna Amon ne tarabana mala magra, eghuteuna mare mei ne au rijon Gilead. Eghuteuna naiknodi Israel igre jaola ne mei au ka namono Mispa ka rijon igne.

Jajis 6:34

Ka narane tuana, Tharunga gna Lord ne mei ka Gidion. Eghuteuna Gidion kegra haghe ne kufli mala kilodi vikegna Abiesa re mala mei leghuni mana mala tei magra.

Jenesis 31:49

Aonu mare ne kiloni namono igne Mispa ba Namono mala Fiofilo. Eigna mae Laban neke cheke eghu, “Kate fnota te sopa au tapa na Lord ginauna na fiofilodi puhida tapa re.

Jajis 11:11

Aonu mana neke pulo baludi mare ka namono Mispa. Eghuteuna naiknodi Gilead igre ne fakegra funeini mana nei mae mala komanda ka armi. Eghuteuna ka narane igre, mana ne nhaꞌa cheke baludi mare ka tathagna Lord.

Jajis 11:28

Nu king gna Amon igne tirogna au gloloni nogna cheke Jefta igne.

Jajis 11:30

Mana ne eni kaisei nhaꞌa cheke ka Lord. Mana ne cheke eghu, “Jame snakreni iagho te uluni iara nogna armi mae Amon na,

Ululahu Samuel 11:6

Eghuteuna kate nomhini mana igne, Tharunga gna God na ne mei faheta fara ka mana ne diꞌatagna fara.

Ululahu Samuel 12:11

Aonu Lord neke kurudi mae Gidion ghe mae Bedan, eghuteuna leghu lahu na mana neke kuru ghau iara. Tuana teke eni mana teke hata fajifla ghami ghotilo ka nodi nolaghi noda naoka ra, naugna igne te au fakelini tahati agne na.