Jajis 11:24 - Buka Blahi Ka Cheke Holo

²⁴ Kemos gne nomi god ghotilo na, eghuteuna jame hata mana keha glose te tusu ari ka ghotilo na, uve ghotilo tangomana te khotodi re. Eghuteuna jateula tuana eghu, Lord na nomi God ghehati, eghuteuna kate hata kasa mana glose igne te tusu mei ka ghehati na, uve, ghehati te khotogna na.

Jajis 11:24 ပူးပေါင်းရင်းမြစ်များ

Naba 21:29

Kokhoni ghami fara naiknomi Moab ra! Mare la goigoni ghami ghotilo iheire naikno te maimanihini god Kemos ra. Nomi god ghotilo na ne snakredi thumi nalhaꞌu ghotilo re mala au tafri kolho. Eghuteuna mana jaola ne snakreni mae King Sihon gna Amoa na mala hata thumi gaꞌase ghotilo re.

Profet Maeka 4:5

Naiknodi kantri falithui ghita igre theome gnafa te tarai nei leghudi nodi god. Nu neubane eghu, Lord noda God, tahati na theome gnafa te tarai nei leghuni mana fabrahu.

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Ululahu Kings 11:7

Mae Solomon ne eni kaisei vido blahi ka thogele ke maghati Jerusalem mala tarai ka god Kemos, god te thono diꞌa fara igne nodi god naiknodi Moab. Eghuteuna mana jaola eni keha vido blahi na mala pogho soru ka Molek, kaisei nodi god te diꞌa naiknodi Amon.

Diutronomi 18:12

Ihei te edi nafnata glepo igre, thono diꞌa fara ka tathagna Lord na. Uve, naugna igne mana na kulu tei brue fajifladi naikno te au ka glose tuana.

Profet Jeremaea 48:46

Kokhoni ghami fara ghotilo naikno te au Moab ra! Mare goigoni ghami fara ghotilo iheire te tarai ka mumuju god Kemos. Naoka ginauna huhurudi thumi nalhaꞌu nei thumi gaꞌase teu ghotilore mala jifla ka kantri igne mala tei au ka keha kantri delei te khaba fara.

Profet Jeremaea 48:7

Ghotilo naiknomi Moab, leuleghu fata na ghotilo rouronu kolho ka nomi nanheta nei nomi dedei teu themire. Nu glepo igre ginauna theome togho ghami ghotilo. Mae naoka ginauna ulu ghami ghotilo, eghuteuna huhuru ghami ghotilo mala jifla ghotilo ka nomi namono na. Eghuteuna mare ginauna na jaola atha nomi mumuju god Kemos ghotilo ana, baludi mae pris nei nomi mae biꞌo teu ghotilo are.

Nodi Khoje Hatimare Mae Jiu 44:2

Iagho neke khi fajifladi nei goigonidi neku naikno teke theome lase nighore mala ke au nou naikno themure ka vido aheva teke au mare na, mala au nodi kmana glepo nou naikno themure.

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Jajis 11:23

“Gobigna lepo igre Lord neke eni ranghidi nogna naikno mana Israel igre. Mana neke brue fajifladi vikegna Amoa. Eghume naugna unha sagho te magnahaghei hata glose teke theome nomi ghotilo tifa igrea?

Thoutonu Eigna Rut 1:15

Aonu Naomi ne cheke eghu ka Rut, “Filo sagho, kheramu gaꞌase ia keli figri hila ka kheragna nei nogna god eghu te pogho soruni naꞌa Moab na. Eghume, jame te keli na iagho ke figri balugna.”

Profet Jeremaea 48:13

Mare ginauna mamaja nodi fara eigna nodi god Kemos na, jateula maedi Israel teke mamaja nodi fara eigna nodi god naiknodi Betel te theome tutuani teke fatutuani ni fara mare ra eghu.

Josua 21:43

Aonu Lord neke tusu lao glose ka vikegna Israel. Igre glose teke nhaꞌa cheke mana ka kuꞌedi mare tifa ra. Eghuteuna kate khotodi mare glose igre, mare ne ei nodi namono tadi.

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.