Jajis 11:2 - Buka Blahi Ka Cheke Holo

² Nu mae Gilead jaola au keha thugna nalhaꞌu teke karha ka khetogna na. Eghuteuna kate biꞌo haghe na, mare neke khini Jefta mala thosei au mana baludi. Mare ne cheke eghu ka mana, “Iagho ginauna theo kaisei nou glepo ka kmami ghehati gne naugna idomu iagho na kaisei gaꞌase vine.”

Jajis 11:2 ပူးပေါင်းရင်းမြစ်များ

Proveb 2:16

Jame khetogna keha mae na cheke famaemahe ka iagho, gaoghatho te keli na ginauna bara nigho, eghuteuna iagho ginauna theome leghuni nogna cheke gaꞌase igne.

Diutronomi 23:2

“Jame kaisei mae karha kate theome thofno tolaghi leghuni nodi vetula naiknodi Israel, eghuteuna iheire ginauna nate karha mei ka vikegna mae igne, nafnata mae igne theo nogna nolaghi te au ka nodi faidu nogna naikno Lord igne.

Jenesis 12:10

Ka narane tuare jare na ne theo gano fara, eghuteuna mae Ebram balugna nogna vike na ne tei au Ijep.

Proveb 5:20

Thuguo, iagho thosei ghathoni fara gaꞌase te mala eni puhi te diꞌa na, eghuteuna iagho thosei kelitamu ka khetogna mae kheramu na.

Proveb 5:3

Foflogna gaꞌase te magnahaghei eni puhi te diꞌa na mamahe jateula suka eghu, eghuteuna kisigna na famane fara.

Galesia 4:30

Nu unha te chekeni grioriso te blahi na? U grioriso te blahi na ne cheke eghu, “Khi teini gaꞌase sneka na balugna thugna. Naugna thugna na theome tangomana te hata ginauna kaisei glepo ka mae kmagna na. Thugna thau te snagla na kolho nate hata na.”

Jajis 11:1

Kaisei mae nanghagna na Jefta, mana kaisei mae soldia keli. Nu idogna na kaisei gaꞌase vine eghuteuna kmagna na Gilead.

Jajis 11:3

Aonu Jefta rikhadi mae thabusignare ne tei au ka namono Tob. Eghuteuna kate au teu mana ka namono igne, mae Jefta ne batudi keha mae te diꞌa mala leghuni mana. Eghuteuna mare tei magra nei blau.

Jenesis 21:10

Aonu Sera ne cheke eghu ka mae Ebraham, “Kuru teini delei thau sneka igne balugna thugna na. Eigna kate lehe tapa na, Ismael thugna thau sneka igne theome nabagna teke hata nou glepo iagho gre. Glepo igre mala ke nogna thugu iara Isak.”