Jajis 11:11 - Buka Blahi Ka Cheke Holo

¹¹ Aonu mana neke pulo baludi mare ka namono Mispa. Eghuteuna naiknodi Gilead igre ne fakegra funeini mana nei mae mala komanda ka armi. Eghuteuna ka narane igre, mana ne nhaꞌa cheke baludi mare ka tathagna Lord.

Jajis 11:11 ပူးပေါင်းရင်းမြစ်များ

Ululahu Samuel 10:17

Ke leghugna igne, mae Samuel ne kilodi naiknodi Israel re mala haghe Mispa mala nomhini mare chekegna Lord na.

Jajis 20:1

Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Jajis 10:17

Ka narane tuare armigna Amon ne tarabana mala magra, eghuteuna mare mei ne au rijon Gilead. Eghuteuna naiknodi Israel igre jaola ne mei au ka namono Mispa ka rijon igne.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Ululahu Samuel 11:15

Aonu mare ne kafe tei Gilgal, eghuteuna mare tei ne kegra ke ulugna Lord ka vido blahi na ne chekeni mae Sol ngala te nodi king mare na. Eghuteuna mare ne eni kaisei fafara ne ghamu fodu, fagaglanagna te au fakeli mare balugna Lord. Eghuteuna ka narane igne, King Sol nei naikno te gnafa Israel igre eghu ne eni kaisei gaghamu biꞌo, mare ghamu ne glealeꞌa fara.

Josua 15:38

nei Dilean, nei Mispa, nei Joktel,

Fapea Korin 3:5

Tutuani, ghehati theo kaisei nomi nolaghi themi te mala chekeni ghehati nabami si te mala eni gloku igne teuna. Nu God ngala te fatangomana ghami ghehati te mala eni gloku igne na.

Jajis 11:12

Ke leghugna igne Jefta ne kuru tei keha mae mala hata cheke tei ka funei ka vikegna Amon. Mana ne ghusna eghu, “Naugna unha si ghotilo te magnahaghei mei magra ka namonomi ghehati gnea? Unha si teke eni ghehati te thofno jafra ka ghotilo na ia?”

Jajis 11:29

Ka narane igne Tharunga gna Lord na mei ka Jefta ne tusu lao nolaghi ka mana. Aonu mana tei ka nogna glose Gilead nei ka nogna glose Manase ne kilo meidi mae te mala magra re. Eghuteuna mana neke pulo mei Mispa jare Gilead, eghuteuna funu jare mana ne batuni kaisei armi ne tei magra ka vikegna Amon.

Jajis 11:34

Jefta au kaisei thugna gaꞌase kolho, mana theo kaisei thugna nalhaꞌu. Kate pulo mei Jefta Mispa ka nogna namono na, thugna gaꞌase mana na jifla mei ne thafoni mana. Naꞌa ragi ne jifla mei balu nogna tamborin.

Ululahu Samuel 8:21

Kate nomhidi mae Samuel nodi cheke naiknore igne, mana tei ne chekedi cheke igre ka Lord.