Jajis 10:4 - Buka Blahi Ka Cheke Holo

⁴ Mae igne au tolufulu thugna nalhaꞌu, eghuteuna naugna mae igre lida, mare kafe saghe ka dongki. Eghuteuna mare reireghi tolufulu namono ke lamnagna kantri Gilead, eghuteuna nanghadi tolufulu namono igre kilodiu ngala, “Nogna Namono Jaea” ghilei mei posa ka narane igne.

Jajis 10:4 ပူးပေါင်းရင်းမြစ်များ

Naba 32:41

Kaisei mae, nanghagna na Jaea mae ka vikegna Manase, mana tei ne magra ka keha namono re, mana ne uludi mare, aonu mana ne kilodi namono tuare “Havot-Jaea.”

Jajis 12:14

eghuteuna mana au phiatutu thugna nalhaꞌu nei tolufulu gragna. Eghuteuna naugna te mae lida mare na, mare te gnafa na mare saghe ka dongki. Abdon batudi naiknodi Israel nabagna nhana finogha,

Jajis 5:10

“Fanomho ka igne ghotilo mae iheire te saghe ka famane dongki vegha ra, nei ghotilo mae dedei te gnokro kolho ra, nei ghotilo mae iheire te nolo tafri kolho ra, ghotilo te gnafa na kafe ghaoghatho fakeli.

Diutronomi 3:14

Eghuteuna mae Jaea kaisei mae ka vikegna mae Manase, mana neke hata glose ka nohi thongana Agob ka rijon Basan te tei posa ka fofotagna namonodi naiknodi Gesua nei naiknodi ke mosu Maka. Eghuteuna mae Jaea ne fangangha rijon igne ka thegna ne kiloni Havot-Jaea. Nangha igne au ngala posa gognarogne.

Jajis 10:3

Ke leghugna te lehe Tola igne, Jaea maegna Gilead, mana ne kegra funei ne baubatu ka naiknodi Israel nabagna varadaki phei finogha.

Jajis 10:5

Kate lehe mana na, mare ne giugiluni mana ka namono Kamon.

Fapea Samuel 16:2

Aonu king ne ghusna eghu ka mae Siba, “Mala unha si glepo hata te mei iagho igrea?” Mana ne cheke eghu, “King, phei dongki igre mala saghe thumu iagho gre. Eghuteuna bret, grep nei fig teu igre mala ghamu nou mae gloku iagho igre, eghuteuna waen igre mala koꞌu mare ka namono nagou, ba ka vido te babaꞌo te magnahaghei khoꞌu.”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.