Jajis 10:16 - Buka Blahi Ka Cheke Holo

¹⁶ Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Jajis 10:16 ပူးပေါင်းရင်းမြစ်များ

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Hibru 3:10

Naugna igne iara diꞌatagu fara ka mare ne cheke eghu, ‘Nagnafadire la tei jafra ka iara. Mare theome laseni nabrougu iara na.’

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Luku 19:41

Kate mei namo te filo laoni Jerusalem, mae Jisas ne kokhoni nognadi naiknogna namono tuana ne tanhi.

Luku 15:20

Aonu mae sitei na kegra haghe neke figri ka mae kmagna na. “Kate gaꞌu teu mae thugna na, mae kmagna na ne efra deni te mei mana na. Mana ne kokhoni nognani mae thugna na, chari ne tei ne gefe ka fafragna na ne gnanghoni mana.

Profet Hosia 14:8

Ghotilo Israel, thosei tei tarai ka mumuju. Eigna kate tarai ghotilo ka iara na, iara na fanomho ka ghotilo, eghuteuna iara ginauna na reireghi ghami ghotilo. Iara gognarona jateula kaisei gaju te theome gnhagha khaklagna ra eghu. Thua nafnotu te keli te au ka ghotilo igre, iara ngala teke tusu ari ka ghotilo na.”

Fapea Kronikols 33:15

Mana ne hata koko ne gnafa mumuju god di delei nei mumuju gna god gaꞌase Asera teke lilisei mana ka nogna Sugablahi Lord. Eghuteuna mana hata ne tei koko mumuju igre ke kosigna namono na. Eghuteuna mana jaola ne paꞌe soru nodi olta mae bongihehe teke horo mare ka thogele aheva te kegra Sugablahi na, nei ka keha vido ka namono na, igre mana ne jaola ne koko.

Fapea Kronikols 15:8

Kate nomhini King Asa nogna cheke Lord te chekedi mae Asaraea thugna mae Obed igre, mana ne kelitagna fara naugna cheke igre ne tako hagheni gaoghathogna mana na mala kegra heta. Aonu mana ne roꞌe soru mumuju god di Juda nei Benjamin, nei ka namono te au ka rijon ka thogele Efrem aheva teke uludi mare ka magra. Eghuteuna mana neke horo fapulo olta te au ke ulugna nogna Sugablahi Lord na igne.

Fapea Kronikols 7:14

Nu jame te nhaꞌa fapari ghami themi ghotilo nogu naikno iara ra, eghuteuna koko ghotilo puhimi te diꞌare, eghuteuna tarai mei ghotilo ka iara teuna, neubane au neu iara kligna, iara ginauna nomhi ghami ghotilo. Eghuteuna iara ginauna hata fadelei nakhibomi ghotilo re, eghuteuna iara ginauna eni glose igne mala ke keli fapulo.

Josua 24:23

Josua ne cheke eghu ka mare, “Thofno doglo fara, Lord na noda God tahati maeda Israel. Gognarona ghotilo koko nodi mumuju god mae bongihehe te au ka ghotilo are, eghuteuna ghotilo figri gaoghathomi fateote'o ka Lord noda God.”

Jenesis 6:6

Lord ne diꞌanagnafa fara, ne cheke eghu, “Iara ginauna faluvu fahuidi naikno teke vuavuha iara ka nauthoglu igne. Iara jame neke theome vuavuhadi naikno igre ka nauthoglu igne! Eghuteuna iara ginauna na jaola faluvu fahuidi nanghaji ba bosu ba saba teu ka namhata igre. Iara diꞌanagnafagu fara naugna iara ngala teke vuavuhadi re glepo igre.”

Jone 11:34

Aonu, mana ne cheke eghu, “Aheva teke giugiluni mana ghotilo na?” Mare ne cheke eghu, “Lord, mei sagho mala filoni.”

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”

Ululahu Samuel 12:10

Ka narane tuare kuꞌeda tahati tura neke tanhi ka Lord mala toghodi, mare neke tarai eghu, ‘Lord, ghehati la theome leghu nigho nei la tei koko nigho eghu! Eghuteuna ghehati tarai ka mumujudi phei god, Baal ghe Astarot. Lord, fakarhi ghami nei hata fajifla ghami eghu ka nodi nolaghi nomi naoka gre, mala ke tufru soru nigho ghehati.’

Nodi Khoje Hatimare Mae Jiu 73:21

Kate ninhigrana ranghi ghau fei nakarha na, iara thono diꞌatagu fara ka gobigna lepore kolho.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Ululahu Samuel 7:4

Aonu mare ne koko mumuju gna Baal nei mumuju gna Astarot, eghuteuna mare ne funu tufru soruni Lord kolho.

Fapea Kings 13:23

Nu Lord keli ranghidi nei kokhonidi eghu naiknodi Israel gre. Aonu mana theome snakreni armi gna Siria gne te mei goigonidi mare na. Leghu fata na Lord toghodi mare naugna mana neke nhaꞌa cheke balugna mae Ebraham, mae Isak nei mae Jekop tifa. Eghuteuna mana neke khidi maedi Israel mala tei au fakhaba ka mana.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.