Jajis 10:14 - Buka Blahi Ka Cheke Holo

¹⁴ Tei si ghotilo tanhi ka keha god te tarai ghotilo tadi are. Toredi mala fakarhi ghami kate thoke mei puhi biꞌo ka ghotilo na!”

Jajis 10:14 ပူးပေါင်းရင်းမြစ်များ

Profet Jeremaea 2:28

Nu aheva gne nomi god ghotilo te mala fakarhi ghami ka puhi biꞌo te thoke ghami ghotilo na? Tore ghotilo ka nomi god tuare eghu mala fakarhi ghami! Ghotilo maemi Juda, ghotilo au nomi kmana god ka namonomire, ba, god igre nabadi te mei fakarhi ghami ghotilo na?”

Profet Isaia 10:3

Unha nate eni ghotilo kate mei Lord te roꞌe ghami na? Kate mei funudi ka kantri delei nomi naoka ghotilo re te magra ka ghotilo na, aheva nate tei poru ghotilo na? Ihei gne nate tei hironi ghotilo te mala mei togho ghami na? Aheva nate tei titifuni ghotilo nomi sileni re?

Fapea Kings 3:13

Mae Elisa filoni mae King Joram gna Israel igne ne cheke eghu, “Naugna unha sagho te mei ka iara gnea? Tei sagho filodi nodi profet idomu ghe kmamu ra!” Nu mae king gna Israel igne ne cheke eghu, “Theo. Lord na jame lisa lao ghamihi ghetilo ka khame gna king gna Moab.”

Profet Isaia 46:7

Mare hata mumuju igne ne fakegra haghe ka kaisei vido mala au fabrahu jare, naugna mumuju igne theome tangomana te nolo tafri thegna na. Nu ihei te tarai ka mumuju igne na, mumuju igne ginauna theome tangomana nate nomhini mana na, nei jaola theome tangomana nate toghoni mana ka narane te thoke mei puhi biꞌo na.

Profet Isaia 57:13

Ka narane te ehani ghotilo ihei te mala mei togho ghami na, ghotilo snakredi god chaichaghi tuare mala fakarhi ghami. Nu fiofilo ghami eghu! Neubane kaisei nuri ikoi kolho tangomana nate ifu sorudi mare na. Nu iheire te rouronu ghau iara te mala reireghidire, ginauna au fabrahu ka kantri igne, eghuteuna mare ginauna tufru soru ghau iara ka nogu Thogele Blahi iara igne.”

Profet Esikiel 20:39

“ ‘Ghotilo naiknomi Israel ra! Iara Lord God te cheke eghu ka ghotilo igne: Jame te magnahaghei tarai ghotilo ka nomi mumujure, edi si ghotilo. Nu ke leghu na, iara ginauna fofotho khulimi ghotilo are mala theome fanomho nei leghudi eghu nogu cheke iara re. Iara ginauna theome snakre ghami ghotilo mala goigoni ni nanghagu te blahi na ka puhi te tarai ghotilo ka mumuju nei tusu lao fafara ranghidi.