Jajis 1:6 - Buka Blahi Ka Cheke Holo

⁶ King igne ne fuha rikha, nu mare ngholini ne lolhokuni mana, eghuteuna mare ne kusu koko phei geghesu biꞌo ka khamegna nei ghahegna teu mana re.

Jajis 1:6 ပူးပေါင်းရင်းမြစ်များ

Eksodas 29:20

Iagho aknu falehe sipu tuana eghuteuna atha katha dadara tagna, eghuteuna ghiha lao keha dadara ka khukru khuli fei khame nhetagna mae Eron, nei jaola ka thugna mana re. Eghuteuna iagho ghiha lao dadara igne ka geghesu biꞌo fei khame nhetadi mare, eghuteuna jaola ka geghesu biꞌo fei ghahe nheta. Aonu iagho atha dadara teke salaꞌui igne mala fuafusa ka fati khukrugna olta na.

Jajis 1:5

Eghuteuna ka magra igne mare ne filoni King Adonibesek, eghuteuna mare brue teini mana baludi naiknodi Kenan nei Peris.

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Eksodas 14:26

Aonu Lord ne cheke eghu ka mae Moses, “Tusu lao sagho khamemu na ka thongna gno mala ke pulo mei thongna na mala thafru mae soldia di Ijep are balu nodi chariot nei hose eghu.”

Eksodas 21:24

Jame te koko mana kaisei tathagna gaꞌase na, mae igne mala jaola koko kaisei tathagna. Jame mana koko kaisei kheꞌigna gaꞌase na, mae igne mala jaola koko kaisei kheꞌigna. Jame mana koko kaisei khamegna gaꞌase na, mae igne mala jaola koko kaisei khamegna. Jame mana koko kaisei ghahegna gaꞌase na, mae igne mala jaola koko kaisei ghahegna.

Josua 15:16

Eghuteuna mae Kelab ne cheke eghu, “Jame kaisei mae batu ghita tahati mala magra ka namono igne, te ghilei uludi tahati mare na, iara ginauna snakreni thugu gaꞌase Aksa mala tolaghi ka mana.”

Nodi Khoje Hatimare Mae Jiu 59:11

God, tapla sorudi sagho, nu thosei falehedi eghu, na eghunu ghatho ihoni naiknodi Israel gre glepo igre eghu. Mare mala ghatho fakelini u puhi teke paradi iagho nou naokare. Iagho nomi mae funei ghehati ia, bara fothi ghami mala thosei khale ghami puhi biꞌo. Brue teidi sagho mae naokare ka nou nolaghi na mala rikha tei mare.

Nodi Khoje Hatimare Mae Jiu 107:40

Nu kate eni mare igne na, Lord na ne kakhana nogna nolaghi na ka mare eigna mana te theome magnahaghedi mare te goigoni ghita tahati na. Aonu mana neke fanonolodi mare ka namono nagou na, eigna jare na theo kaisei nabrou te mala leghui na.

Nodi Khoje Hatimare Mae Jiu 149:8

Eghuteuna tahati ginauna mala haru ka chen nodi king nei nodi mae lida teu mare re.

Profet Jeremaea 34:17

“Eghume, igne unha te chekeni Lord na: Ghotilo tiromi leghu ghau iara. Ghotilo tiromi snakredi kheramire mala snagla jifla tei. Nu gognaro na iara ginauna snakre ghami ghotilo mala kafe snagla jifla tei. Iara ginauna snakre ghami ghotilo mala snagla jifla tei lehe ka magra, ba lehe ka fogra biꞌo, ba ka glehe rofo. Iara ginauna na fakokhoana ghami ghotilo, eghuteuna naikno ka keha kantri igre ginauna thono mhaghu nodi fara ka ghotilo.

Profet Jeremaea 50:15

Khapru faligohoni namono igne, eghuteuna eha fabiꞌo ka mare! Naikno gna namono igne ginauna snakredi thedi ka ghotilo. Nodi vido mala poru mare balugna nodi gringni gna namono na ginauna groꞌe khoko sukha pari. Igne puhigu iara Lord nate paradi mare na. Eghume, iara magnahaghei ghami ghotilo te paradi mare na jateula teke eni mare teke paradi keha naikno ra eghu.