Jajis 1:28 - Buka Blahi Ka Cheke Holo

²⁸ Kate kmana te vuragha naiknodi Israel igre na, mare ne huhurudi naiknodi Kenan igre mala nodi naikno gloku. Nu neubane naiknodi Israel igre kmana, mare theome khi fajifladi naiknodi Kenan igre.

Jajis 1:28 ပူးပေါင်းရင်းမြစ်များ

Jajis 1:27

Ka narane tuare, vikegna Manase igre theome kafe khi fajifladi gnafa naiknodi Kenan igre ka nodi vido glose na. Naiknodi Kenan igre au kolho ka namono Bet-San, nei Tanak, nei Doa, nei Ibleam, nei Megido, nei ka namono ikodi te au faligohodi namono tuare.

Jajis 1:29

Eghuteuna vikegna Efrem igne jaola theome khi fajifladi naiknodi Kenan te au ka namono Gesa igre. Eghume vike igre snakredi mare mala au kolho ka namono igne baludi mare.

Proveb 12:24

Mae ihei te loku heta na, mana ginauna kaisei mae mala baubatu. Nu mae ihei te thodo fara na, mana mala kaisei mae gloku kolho.

Jenesis 9:25

mae Noa ne cheke eghu, “Iara ginauna toreni God mala tibrini mae Kenan, thugna mae Ham! Mana ginauna mala nodi mae sneka kolho ka mae kheragna re.”

Jenesis 9:26

Mae Noa jaola ne cheke eghu, “Tahati cheke fakelini Lord mae ihei Sem te pogho soru ranghini! Mae Kenan gne mala nogna mae sneka kolho mae Sem.

Diutronomi 20:11

Jame te faꞌuveni mare nomi cheke ghotilo na te tothora ka ghotilo grengathagna namono na, naikno te gnafa te au ke lamnagna namono igne ginauna mala nomi naikno sneka ghotilo, eghuteuna ghotilo ginauna tangomana te huhurudi mare te mala edi nomi gloku ghotilo re.

Josua 17:13

Neuba vikegna Israel igne ne kegra heta ke leghu na, mare theome ngolhi fajifladi nu huhurudi naiknodi Kenan igre mala loku jateula naikno sneka eghu mare.

Ululahu Samuel 14:24

Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.