Jajis 1:17 - Buka Blahi Ka Cheke Holo

¹⁷ Aonu vikegna Juda baludi vikegna Simion igre tei ne magra ka naiknodi Kenan te au ka namono Sefat. Mare ne thofno goigoni ne nako namono igne jateula te fafara ka God eghu, eghuteuna ke leghugna te goigoni te gnafa namono igne, mare ne kiloni namono igne Homa. Gaoghathogna “Homa” teu igne, “Goigoni nei nako mala fafara ka God.”

Jajis 1:17 ပူးပေါင်းရင်းမြစ်များ

Naba 21:3

Lord ne nomhidi mare, ne toghodi mala uludi mare vikegna Kenan na. Aonu mae Israel gre tei ne magradi mare ne paꞌe soru nodi suga, namono teu mare re. Aonu mare ne kiloni vido tuana “Homa”, gaoghathogna na “vido te thofno goigoni fabrahu.”

Fapea Kronikols 14:10

King Asa balugna nogna armi na tei ne magrini Sera. Mare te gnafa na tarabana mala magra ka glogu Sefata rhegna namono Merasa.

Jajis 1:3

Vikegna Juda igne ne cheke eghu ka vikegna Simion kheradi mare igre, “Keli fara te mei ghotilo balumi ghehati te mala ari magra tahati ka naiknodi Kenan te au ka glose teke tufa God ka ghehati ia. Ke leghu, ghehati ginauna tei balumi ghotilo mala magridi iheire te au ka glose teke tufa God ka ghotilo na.” Aonu phei vike igre tei fodu ne magra.

Josua 19:4

nei Eltolad, nei Betul, nei Homa,

Naba 14:45

Kate thoke mare ka thogele Kenan, mae ka vikegna mae Amalek ghe mae Kenan te au ka thogele re soru mei ne magra ne uludi mare, aonu mare ngholi fapulo naiknodi Israel gre ne thoke ka namono Homa.

Ululahu Samuel 30:30

Eghuteuna mana jaola fatei namha ka mae te mala baubatu ka fati namono igre, Homa, Borasan, Atak