Jajis 1:15 - Buka Blahi Ka Cheke Holo

¹⁵ Aonu naꞌa ne cheke eghu, “Mama, kokhoni ghau iara. Vido glose ke mata namono nagou teke snakre mei iagho ka ghepa ia thono moja fara. Iara magnahaghei nigho iagho te snakre mei ka ghepa keha vido glose te au khoꞌu tagna.” Kmagna na ne snakre lao ka repa vido glose te au phei seu tagna na, keha na au ke holo eghuteuna keha na ke paka.

Jajis 1:15 ပူးပေါင်းရင်းမြစ်များ

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Fapea Korin 9:5

Eghume te ghathoni iara na, iara na toredi thilo mae thabusigna igre mala kulu ari ka ghotilo ame ari nga ghehati eghu, mala tarabana unha teke nhaꞌa chekehi ghotilo ra. Ghehati laseni te tufa ghotilo ra naugna ghotilo thofno magnahaghei te tufa ka namha, theome naugna te huhuruni ghehati ka ghotilo.

Hibru 6:7

Keha naiknore jateula u glose te soru nakhete fabrahu tagna ia eghu. Glose tuana karha gano te keli mala toghodi naikno te loku tagna na, gaoghathogna igne naugna God neke fakelini u glose igne.

Josua 15:19

Naꞌa ne cheke eghu, “Mama, kokhoni ghau iara. Glose ke matagna namono nagou na teke snakre mei iagho ka ghepa igne thono moja fara. Iara magnahaghei nigho iagho te snakre mei kaisei vido glosei ka ghepa aheva te au khoꞌu tagna.” Aonu kmagna na ne snakre lao ka naꞌa glose te au glokha khoꞌu te kiloi mare glokha khoꞌu kligna, eghuteuna glokha khoꞌu pari.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Jajis 1:14

Ke leghugna tolaghi te gnafa na, Aksa ne cheke ka Otniel mala tei toreni kmagna mala snakre lao keha vido glose ka repa. Naꞌa tei ne filoni kmagna, eghuteuna kate tei thoke naꞌa ka namono na te krofu soru ka nogna dongki na, kmagna na ne ghusna eghu ka naꞌa, “Aksa, unha neu iagho ia?”

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.

Ululahu Samuel 25:18

Aonu Abigel ghosei ne atha phei gobi bret, phei baeg guli nanigot te fodu ka waen, glima sipu muita, kaisei gobi piha grep gata, nei phei gobi piha fig neu ne luja ka nogna dongki na.

Ululahu Samuel 25:27

Iara atha mei keha glepo ka iagho funei maladi nou mae soldia iagho gre.