Hibru 9:7 - Buka Blahi Ka Cheke Holo

⁷ Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Hibru 9:7 ပူးပေါင်းရင်းမြစ်များ

Levitikas 16:34

“Vetula igre ghotilo mala leghudi fabrahu. Kaisei narane kolho leghu finogha na ghotilo mala edi glepo igre ka narane biꞌo igne mala hata fadelei nakhibomi te gnafa ghotilore.” Eghume, Eron neke leghudi unha teke chekedi Lord ka Moses.

Levitikas 5:18

Kate laseni mana nogna najafra na, mana atha mei ka mae pris kaisei sipu nalhaꞌugna te theo kaisei thona ka thinigna na, eghuteuna praes gna sipu igne nabagna fafara mala poloru. Ka puhi igne, mae pris igne ginauna fafara mala atha koko nakhibo teke theome laseni teke eni mae igne. Eghuteuna iara ginauna atha koko nakhibogna mae igne.

Hibru 7:27

Mana theome jateula keha mae pris gre eghu. Hatimare fafara leghu narane. Ulu lahu na, mare fafara maladi nakhibodi thedire eghuteuna ke leghu na mala nakhibodi naiknore. Nu mae Jisas theome eni nafnata puhi igne. Naugna mae Jisas neke eni kaisei fafara ngala thinigna thegna na mala hata fadelei nakhibodi naikno te gnafare tifa tifa.

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Profet Hosia 4:12

Eghuteuna ghotilo tarai koba ka mumuju teke hohoro kolho naikno igre, mala falalase ranghi ghami gaoghathodi nomi mifire. Te chekeni koba ghotilo na, vido gaju teke hohoro ghotilo themi igre nate falalase ka ghotilo unha te magnahaghei laseni ghotilo na. Ka puhi igre te ghatho iho ghau iara ghotilo na, eghume, ghotilo jateula gaꞌase te ghatho ihoni khetogna na te snakreni thinigna na ka keha nalhaꞌu delei ra eghu. Ghotilo lisa lao ghami themi mala nogna naikno mumuju, mala funei frunidi mumuju nakarhami are.

Profet Isaia 28:7

Hatimare mae profet nei hatimare mae pris teu igre jaola koꞌu thaviru ka waen, eghuteuna mare theome tangomana te kegra haghe na, theome tangomana te ghaoghatho fakeli na, nei jaola theome tangomana te eni kaisei gloku na, naugna mare koꞌu ne thaviru ka beer. Mae profet gre koꞌu thaviru fara, eghuteuna mare theome tangomana te filo glanidi re gaoghathodi mifi te fakakhana Lord ranghidire. Mae pris gre jaola koꞌu thaviru, eghuteuna mare theome tangomanadi te fadoglidi nodi puhi iheire te mei ka mare te mala toghodi teure.

Profet Isaia 9:16

Mae igre batudi naiknore ka puhi te theome doglo.

Profet Isaia 3:12

Lord neke cheke eghu, “Gognarona goro gaꞌase kolho nate funei fruni ghami ghotilo na, nei goro sua gre goigoni ghami ghotilo nogu naikno iara gre. Eghuteuna nomi mae mala baubatu ghotilore ginauna batu ghami ghotilo mala leghuni ghotilo puhi te theome doglo na.”

Hibru 10:3

Nu theome jateula tuana eghu. U fafara te edi mare leuleghu finogha igre, mare toghodi naiknore mala ke ghatho fapulodi koba nakhibodire kolho.

Profet Emos 2:14

Ka narane igne, mae te lase chari ra, ginauna theome tangomana te rikha na. Mae te nhetara ginauna nigra theome tangomana te fakarhidi thedi na.

Profet Isaia 29:14

Eghume iara ginauna edi kmana glepo nate jaglo nodi fara mare na. Iara ginauna goigoni nodi glalase iheire te lalase, eghuteuna iara ginauna jaola fagnafadi nodi glalase mae iheire te au nodi glalase igre.”

Nodi Khoje Hatimare Mae Jiu 95:10

Naugna igne, phiatutu finogha iara neke diꞌatagu fara neke cheke eghu, “Naikno igre theome ghatho tahu ghau iara, nei theome leghuni nogu vetula iara na.”

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Fapea Kronikols 33:9

Nu King Manase neke batu fadiꞌadi naiknodi Juda nei Jerusalem ka nakhibo te thono biꞌo fara salaꞌudi nakhibodi naikno bongihehe teke goigonidi Lord ka narane teke hata meidi mana naiknodi Israel teke au ka kantri igne.

Fapea Samuel 6:7

Lord ne diꞌatagna fara ka mae Usa, naugna mana theo kaisei nogna nolaghi te mala loku ka Bokis Blahi igne. Aonu mae Usa lehe ne khoko soru pari rhegna Bokis Blahi na.

Naba 15:25

Aonu mae pris ginauna tarai nei ghusna ghau iara mala atha koko nakhibomi ghotilo re. Eghuteuna naugna te theome laseni te nakhibo thedire, ghotilo ginauna fafara mei kaisei buluka mala gna fafara te blahi na, eghuteuna jaola ke fafara mei nanigot mala ke doglo ghotilo ka tathagu iara na.

Efesus 4:18

Tutuani mare theome laseni kaisei glepo nogna God naugna nagnafadire ne patugama fara. Eghume mare au khaba ka thofno nakarha te tutuani teke tusu mei God igne.

Hibru 6:19

Noda fatutuani te mala hata glepo te nhaꞌa cheke God ka tahati igre, jateula kaisei sobo eghu ka nakarhada na mala theome tangomana te thugha na. Naugna tahati fatutuani, tahati tangomana te tei ke ulugna God jateula mae pris biꞌo te ruma ke leghugna pohe biꞌo te mala bobothogna chogho te blahi fara te au ke lamnagna Sugablahi na ia eghu.

Hibru 9:3

Ke lamnagna suga tapuale igne au fapea chogho na eghuteuna mare lilisei kaisei pohe jare mala fanogra gna grengatha na. Mare kiloni chogho igne “Chogho thono blahi fara”.