Hibru 9:4 - Buka Blahi Ka Cheke Holo

⁴ Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Hibru 9:4 ပူးပေါင်းရင်းမြစ်များ

Naba 17:10

Lord ne cheke eghu ka mae Moses, “Iagho ginauna ke lisei fapulo nogna khodo mae pris Eron na ke ulugna bokis blahi igne. Iagho ginauna tathaji jare mala filo glanidi iheire naikno te khuru cheke fara ka iara igre. Eghuteuna khodo igne ginauna na lilisei au kolho, jame te theome ke hui mare te khuru cheke ka iara na, mare ginauna orio lehe.”

Fapea Kronikols 5:10

Theo kaisei unha nga te au ke lamnagna Bokis Blahi igne, nu phei thina tataba teke lilisei mae Moses tifa ra kolho te au teu jare na. Kani teke jifla mei Ijep mae Moses baludi naiknodi Israel ra, Lord neke eni kaisei nhaꞌa cheke baludi mare ka Thogele Sanai, ka narane tuare mae Moses neke lilisei phei thina tataba ka Bokis Blahi igne.

Levitikas 16:12

mana mala mei ka olta mala gahu insens. Eghuteuna mana mala hata fajifla keha nakrofu khaꞌaghi te karha teu, eghuteuna fafofodu ka kaisei dis, eghuteuna mana mala hata mei ka khamegna na keha sitha malagna insens te famane sisiri keligna. Aonu mana mei ruma lamna ka Chogho te Thofno Blahi fara na.

Eksodas 40:3

Iagho atha Bokis Blahi gna Nhaꞌa Cheke. Nabotho Vetula te au ka phei thina tataba igre mala nhaꞌa lao lamna ka Bokis Blahi igne, eghuteuna lilisei lamna Suga Tapuale te Blahi igne, eghuteuna fagefe lao pohe igne mala fofota chogho igne ka phei vido, mala fofotho chogho te au teu Bokis Blahi igne.

Eksodas 26:33

Iagho mala fagegefe pohe biꞌo igne ka thagho teke horo ka gol, mala fofota gna chogho biꞌo ke lamnagna suga tapuale igne ka phia vido. Chogho ululahu igne mare kiloni Chogho Blahi, eghuteuna keha chogho na au ke dela gna, Thofno Chogho Blahi igne. Eghuteuna iagho mala lilisei lamna ka Thofno Chogho Blahi igne nogu Bokis Nhaꞌa Cheke Blahi iara na.

Naba 17:5

Eghuteuna mae ihei te vahini iara mala edi nogu gloku iara na, nogna khodo mana na ginauna kotu. Ka puhi igne, iara ginauna au baludi naiknore mala theome khuru cheke fabrahu mare.”

Eksodas 34:29

Moses neke soru funugna ka Thogele Sanai, mana pala balugna phei thina te rioriso chekedi Nhaꞌa Cheke te au ka phei thina igre. Nu mana theome kulu laseni te siasigla tathagna nei foflogna teure naugna mana neke cheke balugna Lord.

Thakle 8:3

Aonu kaisei engel mei ne kegra ka olta na. Eghuteuna mana louloku kaisei tapera teke hohoro ka gol te fodu ka insens. Hatimare ne tusu ranghini mana kmana insens mala salo fodu baludi nodi tharai nogna naikno God re. Eghuteuna mana ne fafara ka olta teke hohoro ka gol te kegra teu ke ulugna nogna sape nafnakno mae King na.

Ululahu Kings 8:21

Eghuteuna iara eni kaisei chogho ke lamnagna Sugablahi igne mala augna Bokis na. Ka Bokis igne au phei thina tataba, eghuteuna ka phei thina igre te au Nogna Nhaꞌa Cheke Lord teke eni mana baludi kuꞌeda ka narane teke hata fajifladi mana Ijep ra.”

Ululahu Kings 8:9

Theome kmana glepo te au ke lamnagna Bokis Blahi igne. Phei thina tataba kolho teke lilisei Moses jare tifa na. Kate jifla mei mae Moses nei naiknodi Israel teu Ijep na, Lord neke eni kaisei nhaꞌa cheke baludi mare ka Thogele Sanai, ka narane tuana mae Moses neke lilisei phei thina tataba igre ka Bokis Blahi igne.

Ululahu Kings 7:50

nei dis, nei glepo mala falehe juta, nei dis mala gahu insens, nei sevol mala krisu nakrofu. Eghuteuna mare hata gol ne horo hins maladi phei grengathagna u Chogho te Blahi Fara igne, nei maladi phei grengathagna Sugablahi na.

Naba 17:8

Ka keha narane na, kate mei mae Moses ka Suga Thapuale te blahi na, mana ne filodi nodi khodo vikegna mae Livae te au nanghagna mae pris Eron tagna na ne kotu. Khodo igne ne au khaklagna nei sisigna neu, nei jaola au keha ganogna gaju amon tela muitahi!

Eksodas 39:35

Bokis Blahi gna nogna Nhaꞌa Cheke Lord te au phei thina tataba teke rioriso Lord Vetula igre, nei baludi phei gaju mala pala igre, nei thotoku gna na.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Eksodas 32:15

Moses figri neke soru ka thogele na. Mana pala ne mei phei thina tataba teke rioriso Lord nogna Nhaꞌa Cheke re ka phei philegna re.

Eksodas 37:25

Mare atha thaba gaju akesia mala ei Olta mala gahu insens. Olta igne kaisei nanaba kolho, brahu gna nei krepa gna teuna thokeni phiatutu glima sentemita, eghuteuna haghe gna na thokeni nheva salei sentemita. Kligna ka fati sulukhu gna olta igne, au fati glepo jateula hona buluka eghu, igne vidogna olta.

Diutronomi 9:9

Ka narane tuana, iara neke haghe ka thogele na neke hata phei thina tataba te au nogna nhaꞌa cheke Lord teke eni mana balumi ghotilo ia. Eghuteuna iara neke au ka thogele igne phiatutu narane nei phiatutu bongi, eghuteuna ka narane tuare iara neke theome ghamu nei theome koꞌu.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.