Hibru 9:28 - Buka Blahi Ka Cheke Holo

²⁸ Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Hibru 9:28 ပူးပေါင်းရင်းမြစ်များ

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Letas Teke Riso Tei Mae Pol Ka Khiloau Rom 6:10

Mana neke lehe kaisei fata ngala, tuana ngala naba te mala fagnafani u nogna nolaghi nakhibo na. Eghuteuna gognarona mana au ka karha, nei mana au ka karha kaisei balugna God tifa tifa.

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Mae Khuru 1:11

Phiamare ne cheke eghu ka mare, “Ghotilo maemi Galili, naugna unha site kegra filo haghe teu ghotilo kau maloa na gnea? Mae Jisas teke hata haghe God kligna ia mana ginauna nake pulo mei nathuꞌu nauriha, jateula te filoni ghotilo teke pulo haghe mana kligna tuana eghu.”

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Matiu 26:28

Waen igne dadaragu iara, farerhetagna nhaꞌa cheke majaghani te eni God ka nogna naiknore. Dadara igne thofa mala fakarhidi naikno kmana, mala hata fadelei God nakhibodi re.

Fapea Pita 3:12

Kate ofoni teu nogna narane biꞌo God igne, ghotilo loku heta mala faghose mei narane igne. Ka narane tuana khaꞌaghi na ginauna ghamu fateo maloa na, eghuteuna gobigna lepo ka maloa na ginauna branadi ghilei blalho kolho.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Ululahu Korin 15:54

Eghuteuna kate eni te hui igne, cheke te eghu ka grioriso te blahi na igne thofno tutuani fara, “Glehe na, God thofno roꞌenihi, nei tapla sorunihi eghu pari!”

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Ululahu Jone 3:5

Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Fapea Tesalonika 2:1

Uve kheraguro, ghehati magnahaghei te cheke ka ghotilo eigna narane meigna noda Lord Jisas Kraes mala salo fodu ghita balugna.

Ululahu Korin 1:7

Eghume God neke tusu ari ka ghotilo nogna khokofakasai te gnafa Tharunga te Blahi kate ofoni teu ghotilo narane mala ke pulo meigna noda Lord Jisas Kraes. Eghuteuna Kraes ginauna jaola togho ghami ghotilo mala heta nei doglo eghu ke ulugna God ghilei thoke mei narane tuana.

Letas Teke Riso Tei Mae Pol Ka Khiloau Rom 5:15

Nu phiamare theome kaisei nanaba, naugna nakhibogna mae Adam na theome jateula khokofakasai teke tusu mei God ka tahati igne eghu. Neuba kmana naikno ne lehe ka nakhibogna mae Adam, tutuani fara kmana naikno na hatani u thofno karha te theo ka huigna na naugna nogna khokofakasai kaisei mae Jisas Kraes. Naugna nogna namha nei nogna khokofakasai teu God re glepo biꞌo fara uluni tulao nakhibogna mae Adam na.

Profet Sekaraea 14:5

Ghotilo ginau rikha tei salaꞌu ka glogu igne, glogu igne ghilei tei thoke ka namono Asal. Uve, ghotilo ginauna rikha faghose jateula kuꞌemi ghotilo teke rikha ka narane gna King Iusaea, mae ihei teke king gna Juda tifa. Aonu nogu Lord God iara ginauna mei balu nogna engel blahi.

Hibru 9:25

Mae pris biꞌo na, ruma ke lamnagna suga tapuale leuleghu finogha. Mana hata balugna dadara buluka, theome dadaragna thegna. Nu mae Kraes ruma jare kaisei fata kolho ne fafarani thegna ka God.

Levitikas 10:17

“Fafara igne mala doglo naikno te gnafare ka tathagna Lord! Eghume naugna unha si ghotilo te theome ghamu thofno nafnahi blahi igne ka glalaba blahi gna Suga tapuale te Blahi gnea?

Naba 18:23

Vikegna Livae kolho te mala reireghini Suga Tapuale te Blahi na. Eghuteuna jame kaisei mae theome leghuni vetula gna Suga Tapuale te blahi na, vikegna Livae igne naba te papara na. Mare mala leghuni fabrahu vetula igne. Vikegna Livae igre ginauna theome khotogna kaisei vido glose.

Naba 18:1

Lord ne cheke eghu ka mae pris Eron, “Jame kaisei glepo diꞌa thokedi glepo blahi igre ba Sugablahi igne na, iagho baludi thumure nei ihei ka vikegna mae Kohat teure, ghotilo tangomana au papara eigna igne. Nu iagho nei mae thumure eghu kolho mala mae pris na, eghuteuna jame te loku fadiꞌa ghotilo eigna nodi gloku mae pris na, ghotilo kolho ginau jaola au papara eigna igne.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Letas Teke Riso Tei Mae Pol Ka Khiloau Rom 3:25

God neke kuru meini mana mala lehe jateula kaisei fafara. Tutuani, dadara ka glehegna na mala hata fadeleidi nakhibodi naikno te gnafa te fatutuani ni mae Jisas. God neke eni igne mala laseni tahati te eni mana unha te doglo na. Naugna tifa na God neke sasaꞌani te ofo na, eghuteuna mana neke theome ghosei paradi naiknore eigna nakhibodire. Nu gognaro na God jaola falalase ranghi ghita mana te eni unha te doglo na, naugna mana neke snakreni mae Jisas mala lehe. Tutuani, mana neke eni igne mala falalase ranghidi iheire te fatutuani ni mae Jisas kaisei nabrou mala au doglo ke ulugna thegna.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Hibru 7:27

Mana theome jateula keha mae pris gre eghu. Hatimare fafara leghu narane. Ulu lahu na, mare fafara maladi nakhibodi thedire eghuteuna ke leghu na mala nakhibodi naiknore. Nu mae Jisas theome eni nafnata puhi igne. Naugna mae Jisas neke eni kaisei fafara ngala thinigna thegna na mala hata fadelei nakhibodi naikno te gnafare tifa tifa.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Letas Teke Rioriso Mae Jud 1:21

God namha ghami ghotilo nei mana magnahaghei ghami ghotilo te au fabrahu ka nakarha te doglo. Ofoni narane noda Lord Jisas Kraes nate tusu mei ka nogna kokhoni ghita u karha te tifa.